ОҢ
сын есім. 1. Солға қарама-қарсы, соған қарсы жақтағы. 2. матем. Теріс емес, плюс мәнді. 3. ауыспалы мағына. Дұрыс, жөн. Оң ахуал. а) Дұрыс көңілкүй. ә) Белгілi бір қалыптасқан болмыстың дамып, тұрақталуына әсер еткен қолайлы жағдай. Оң аяғымен аттады. Үйге жақсы тілек, ниетін білдірдi деген мағынаны білдіретін қимыл ишарат. Оң батасын алды. Ризашылығын алды, риза етті. Оң батасын берді. этнографиялық. Ризашылығын білдірді, сәтсапар тіледі. Оң болсын. тілексөз. Сәті түссін. Оң [ жақ ] босаға. этнографиялық. Киіз үй кеңістігінің әйел адамға, отанасына арналған бөлігi. Оң босағада отырған қыз. этнографиялық. Әлi тұрмыс құрмаған, күйеуге шықпаған, атаанасының үйінде жүрген қыз. Оңға басты. Жөнге келді. Оңға баспады. Жолы болмады, ісi кейін кетті. Оңға келді. Сәті түсті, реттелді. Оңға туралау. информатикалық. Мәтін жолдарының соңын беттің немесе бағананың оң жағындағы шеткі түзу бойымен реттеп орналастыру. Оң дамыту. саяси. Алға қарай дамыту, ілгерілеу. Оң жағымды қарайтты. Отбасын құрып, өрісін кеңейтіп, қамқор болды, пана, тірек болды. Оң жағына қондырды. Қамқорына алды. Оң жағынан [ аяғыңмен ] тұрды. Істің сәті болды, жолы оңғарылды. Оң жақ. а) Солға қарама-қарсы жақ. ә) этнографиялық. Бойжеткен қыздың ұзатылғанға дейін болатын туған үйі, төркіні [ Қазақтың салты бойынша, киіз үйдің оң жақ босағасы бойжетіп отырған қыздың кеңістігі болып есептеледі, оң жақта отырған қызды күйеуге кеткенше мәпелеп, ерекше еркелетіп еркін өсірген ]. Оң жаққа салды, өліктің денесін оң кереге түбіне жайғастырды. Оң жақтан [ оңнан ] айы, сол жақтан күні туды. Бақыты жанды, жолы ашылды, дәурені келді. Оң жақта отырған қыз. этнографиялық. Айттырылып қойған қыз. Оң жақтың қызығын көрді. Бойжеткен қыз өз атаанасының үйінде еркелеп өсіп, қызықты күндерін өткізді. Оң жақты шек. матем. Ордината осінің 0ден бастап оң жақтағы сандар шегі. Оң және теріс коэффициенттер. матем. Алгебралық формулалардың сандық (немесе әріптік) көбейткіштерінің түрлері. Оң жел. Қайықтың артынан соғатын жел. Оң жол. Дұрыс бағыт. Оң заряд. физикалық. Теріске қарсы заряд. Оң мен солын таныды [ білді ]. Жақсы, жаманды ажыратуға жарады; есейді, ержетті. Оң кері байланыс. физикалық. Әрекеті кейбір кибернетикалық жүйенің бастапқы күйінен ауытқуын арттыруға бағытталған кері байланыс. Оң көзбен қарады. а) Шын пейілмен ықылас білдірді, күтті, бақты. ә) Дұрыс, жөн пейіл білдірді. Оң көзі. Біреудің жанашыр, сенімді адамы. Оң көру. Таңғалу. Оң қабағын берді. Жылы шырай білдірді. Оң қабағы тартты. Халық ұғымында жақсылық боларын сездіретін белгi. Оң қабақ көрсеттi [ танытты ]. Жылы шырай білдірдi, ықыласы түстi. Оң қанат. әскери сөз. Әскер шебінің оң жақ бөлігі. Оң қарады. Көңілі түсіп, ықыласы ауды, ұнатты. Оң қарамады. Жақтырмады, жек көрді, көңілі қаламады. Оң қарынша. Қарыншаның бөлігі. Оң қол, сол қолын таныды. Ер жетті, есейді, жақсы мен жаманды айыра білді. Оң қолы. Біреудің сенімді адамы, сойыл соғары. Оң қолы болды. Сойыл соғары, жақтаушысы болды, сенімді көмекшісі болды. Оң мен солға қарамады. Алдыартына қарамады, мен бермеді. Оң мен солын айырды [ таныды, білді, аңғарды ]. Жақсы мен жаманды ажырата білді, ержетіп, есейді. Оң мен солына қарады. Өмірге, төңірегіне абайлап назар салды. Оң санады. Жөн көрдi, дұрыс деп тапты. Оң сандар. матем. Нөлден үлкен, плюс таңбалы сандар. Оң сапар тіледі. тілексөз. Алыс жолы сәтті болып, аман-есен оралуға тілек білдірді. Оң түбір. матем. Оң таңбалы, оң мәнді түбір. Оң тізесін басты. Ханның сенімді кеңесшісі, уәзірі болды. Оң шырай танытты. Жылы қары алды, оң қабақ білдірді. Оңына айналмады. Ісi теріске шапты, сәтi түспедi. Оңынан айы, сол жақтан күні туды. Бағы жанды, жолы болды, заманы туды.