ҚАҒАЗ
зат есім. 1. техникалық. Өсімдік талшықтарын белгілi бір тәсілмен өңдеу, бір-бірімен ұйыстыра байланыстыру арқылы жұқа парақ түрінде жасалатын материал. 2. Әдетте ақ түстi парақ, дәптер, кітапша т.б. түрінде болатын, жазу жазуға, өрнек, сурет т.б. салуға арналған жұқа зат есім. 3. ауыспалы мағына. Арыз, шағым. 4. ауыспалы мағына. Белгілi бір мекеменің мөр басқан анықтамасы т.б. құжат. 5. ауыспалы мағына. Жазу, жазба мұра, тарихта қалған дүние. Қағаз ақша. а) Қағаздан жасалған ақша. ә) экономикалық. Атаулы құны бар ақша белгілерi, яғни айналыста толымды ақшаны алмастыратын құн белгілерi. Қағаз алды. жергілікті сөз. Хат алды. Қағаз беретін құрылғы. техникалық. Баспа құрылғысына кезеңкезеңімен немесе үздіксіз қағаз беріп отыратын басу мәшинесінің негізгi бөліктерініңњ бірi. Қағаз бетіне түсіру. Жазу, тарихта сақталып қалатындай жазып тіркеп қою. Қағаз бетіне түсірілу. Жинақталып жариялану, кітап болып басылып шығу. Қағаз білді. сөйлеу. Сауатты болды. Қағаз жоқ. информатикалық. Принтерде қағаздың таусылғандығын хабарлайтын белгi. Қағаз жүзінде. Қағазға жазып түсірілген түрде, жазбаша. Қағаз шай. Ұнтақталып қағаз қорапқа салынған шай. Қағазға көмілдi. Қағазбасты болды.