КОММЕРЦИЯЛЫҚ
зат есім. Коммерцияға тән, коммерцияға қатысты. Коммерциялық атаулар. экономикалық. Тауар жеткізілімінің шарттарын (базисін) көрсететін атаулар, яки халықаралық келісімшарттарда өте жиі кездесетін коммерциялық терминдер мен сөз тіркестерін түсіндіру жөніндегі халықаралық ережелер. Коммерциялық баға. экономикалық. Коммерциялық дүкендерде сатылатын мемлекеттің жоспарлы бағасының бір түрі. Коммерциялық банк. экономикалық. Лицензияға және қолданыстағы заңнамаға сүйеніп коммерциялық негізде банк операцияларын жүзеге асыру құқығы берілген заңды тұлға, яки кәсіпорындар, ұйымдар, мекемелер, азаматтар үшін әмбебап банк операцияларын жүзеге асырушы ірі несие мекемесі. Коммерциялық білім беру. экономикалық. Ақылы білім беру. Коммерциялық вексель. экономикалық. Жай немесе аудармалы вексель серіктестігі, мемлекеттік агент немесе банктік холдингсеріктестігі, арнаулы қамтамасыз етілмейтін банктің несие лимитін қолдайтын және қысқа мерзімге берілетін несие. Коммерциялық есеп. экономикалық. Кәсіпорынның ісіне пайда түсіруді қамтамасыз ету мақсатымен, кәсіпкерлік ісәрекеттерді тұрақты ақылай түрде шығын шығарып жүзеге асырып отыратын шаруашылықты басқару әдісі. Коммерциялық есепшот. экономикалық. Сатушының сатып алушыға жеткізіліп берілген тауарға тиісті көрсетілген төлемді төлегені жөніндегі талаптарды білдіретін құжат. Коммерциялық кәсіпорын. экономикалық. Заңи тұлға құқығы берілген, өзін-өзі қаржыландыру жағдайында коммерциялық қызметпен айналысатын және барынша көп пайда алуды көздейтін оқшауландырылған дербес шаруашылық бірлігі. Коммерциялық кредит. экономикалық. Ком мер циялық несие. Коммерциялық қауіпсіздендіру ісі. экономикалық. Коммерциялық қауіпсіздендіру серіктестіктері – кәсіпкерлердің ісін түрлі апаттардан, табиғат зардаптарынан, коммерциялық қауіп-қатер және басқалай зияндардан қауіпсіздендіру жөніндегі іс. Коммерциялық құпия. экономикалық. Үшінші жаққа белгісіз болуына байланысты ақпараттық нақты немесе әлеуетті коммерциялық құны болып, онымен заңды негізде еркін танысуға болмайтын және ақпаратты иеленуші оның құпиялығын сақтауға шара қолданатын ретте коммерциялық құпия болып табылатын ақпарат. Коммерциялық қызмет. экономикалық. Пайданы шығару мақсатында шикізаттарды, бөлшектерді, дайын тауарларды және оны әрі қарай тұтынушыларға дайын етіп сату. Коммерциялық несие. экономикалық. Сатушылардың сатылған тауарға төлемді кейінге қалдыру немесе төлем мерзімін ұзарту түрінде сатып алушыға тауар ретінде берілетін несие. Коммерциялық сарап. экономикалық. Несие беретін мекемелердің ақша қаражаттарының жағдайын, сонымен бірге келешектегі жоспарда берілетін несиені коммерциялық эксперттік қызметтегі банкнесие иесінің күшімен жүргізетін сарап. Коммерциялық сатып алу. экономикалық. Коммерциялық немесе өзге ұйымда басқару қызметтерін атқаратын адамға заңсыз ақша, бағалы қағаздар немесе басқа мүлік беру (СОНДАЙ-АҚ заңсыз алу), сондай-ақ оның өз қызмет бабын сатып алушы адамның мүддесіне пайдалануы үшін оған мүліктік сипаттағы заңсыз қызмет көрсету. Коммерциялық табу бонусы. экономикалық. Келісімшартта көрсетілген аумақтағы әрбір коммерциялық табу кезінде, оның ішінде кен орындарында қосымша бақылау жүргізу барысында табылған пайдалы қазбалардың бастапқы белгіленген запастарды ұлғайтқаны үшін жер қойнауын пайдаланушылар төлейтін тіркелген біржолғы міндетті төлем.