ТӨЛЕМ
зат есім. 1. Бір нәрсенің орнына берілген, өтелген зат есім. 2. қаржы термині. Сатып алынған тауарлар, көрсетілген қызметтер, пайдаланылатын ресурстар, берілген несие үшін төленуге тиіс ақшалай қаражат, сондай-ақ міндеттемелер бойынша есептесу нысанындағы заңмен белгіленген жарналар. Төлем айналымы. қаржы термині. Аіша төлем құралы ретіндегі міндетін атқара отырып, міндеттемелерді өтеу үшін пайдаланылып, қолма-қол ақшасыз нысанда да, қолма-қол ақша нысанында да жүзеге асырылатын ақша айналымының бір бөлігі. Төлем балансы. қаржы термині. Төлем түріндегі ақшалай қаражаттың елден елге қозғалуын сипаттайтын кесте, тізімдеме. Төлем валютасы. қаржы термині. Тауар нақты төленетін немесе несие берілетін валюта. Төлем карточкасы. қаржы термині. Электронды терминалдар, өзге құрылғылар арқылы ақшаға қол жеткізу құралы болып оны ұстаушының төлем төлеуіне, қолма-қол ақша алуына, валюталарды айырбастауына, төлем карточкасын шығарушы белгілеген және соның шарттарына негізделген басқа да операциялар жасауына мүмкіндік беретін магнит қабатты пластикалық карточка. Төлем келісімі. қарж ыэкон. Екі немесе бірнеше ел арасындағы өзара есеп айырысулар мен төлемдерді айқындап, реттейтін құқықтық акт. Төлем қабілеті. қарж ы. Мемлекеттің, заңды және жеке тұлғалардың төлем бойынша өзміндеттемелерін өздерінде бар ақшалай қаражаттың есебінен төлеп, толық орындауға қабілеттілігі. Төлем мерзімін ұзарту. қаржы термині. Тауарлар мен көрсетілетін қызметтердің ақысын төлеу бір жолғы тәртіппен немесе толық сомада емес, бөліпбөліп төлену арқылы жүзеге асырылатын әдіс. Төлем талабы. қаржы термині. Жеткізушінің жөнелтілген тауар, орындалған жұмыс немесе көрсетілген қызмет үшін төлемшінің шотынан өзіне тиесілі қаражат сомасын аударуға берген бұйрығын қуаттайтын есеп айырысу құжаты. Төлем тапсырмасы. қаржы термині. Төлемшінің өз шотынан алушының шотына қаражат аудару туралы банкке берген бұйрығын қуаттайтын есеп айырысу құжаты. Төлем тәртібі. қаржы термині. Кәсіпорындардың, бірлестіктердің, ұйымдардың, мекемелердің немесе жекелеген азаматтардың төлемдерді дәл белгіленген мерзімде әрі толық көлемде төлеу жөніндегі міндеттемесі. Төлем тізімдемесі. қаржы термині. Жұмысшылар мен қызметшілерге жалақы, сыйақы, еңбекке жарамсыздығына байланысты жәрдемақы немесе басқа да төлемдер беруге арналған бухгалтерлік кассалық құжат. Төлем шлюзі информатикалық. Транзакциялық қызметтер көрсету төлемдері жүзеге асыруға арналған ақпараттық жүйе.