ДАЙЫН
үстеу. Даяр, әзір; сақадай сай. // Әзірленіп қойған, бұрыннан сайланған, даярланған. Дайын болды. а) Іштей, не болса да, соған бекем, берік болды, орындауға алдын ала ниеттендi. ә) Әзірлендi, дайындалып біттi. Дайын бұйым. экономикалық. Одан әрi өңдеу, қайта өңдеу, қайта сату үшін емес, түпкіліктi тұтыну мақсатымен сатып алынған бұйымдар. Дайын етілдi. Әзірлендi, дайындалды. Дайын қылды. Сақадай сай еттi, әзірлеп болды. Дайын өнім. экономикалық. Кәсіпорында жасалып шыққан және өндірістік немесе жеке бастың тұтынуы үшін жарамды өнімдер. Дайын тұрды. а) Әзір болды, күтіп тұрды. ә) Бiреу дайындап қойды, алдын ала әзірлендi. б) Бiр iске бейім болды, сол iсін, қылығын қайтадан көрсеттi. Дайын үлгi. Қалыптасқан, үйреншіктi нұсқа, әзір қалып.