ВЕКСЕЛЬ
[ неміс тілі. Weсhsel ] зат есім. қаржы термині. Халықаралық саудадағы төлем міндеттемесінің кең тараған формасы; заң бойынша белгіленген үлгіде толтырылған құжат. Вексель айналысы. экономикалық. Ақша орнына жүретін вексельдің жеткізушілер мен төлемшілер арасындағы айналыс аясындағы қозғалысы. Вексель валютасы. экономикалық. Вексель бойынша төленетін борышқорлық міндеттеме сомасы. Вексель дисконты. экономикалық. Вексельдi қолданыс мерзімінен бұрын атаулы құнынан төмен бағаға сатып алу; банктердің вексельдердi сатып алу (есепке алу) кезінде өндіріп алатын есептік пайызы. Вексель есебi. экономикалық. Вексельдi қолданылу мерзімінен бұрын атаулы құнынан төмен бағаға сатып алу; банктің вексель ұстаушыға, яғни вексельдi алушы адамға вексельде көрсетілген соманы мерзімінен бұрын төлеу арқылы несие беру нысаны. Вексель қоржыны. экономикалық. Белгілi бір сәтте банктің немесе кәсіпорынның билігіндегi вексельдердің жиынтығы. Вексель несиесi. экономикалық. Банк вексельдi мерзімінен бұрын сатып алып, ал вексель ұстаушыға есептік пайыз (дисконт) бен банк комиссиясын шегеріп, вексельде көрсетілген сома мөлшерінде несие беретін коммерциялық несие түрi.