МҮЛІКТІК
сын есім. Мүлік боларлық, дүниелік. Мүліктік залал. заң. Зиян шектірудің немесе онымен жасасқан келісімшартты орындамаудың салдарынан жеке немесе заңи тұлғаның мүлкіне келтірілген залал. Мүліктік зиян. құқықтық. Жеке тұлғаның немесе заңды тұлғаның иелігіндегі мүлікті ұрлау, істен шығару, жою түрінде келтірілетін шығын. Мүліктік құқылар. заң. Мүліктерді иеленуге, пайдалануға және билік жүргізуге, сондай-ақ осы мүліктермен айырбас заттарын (тауарларды, қызмет түрлерін, ақшаларды, бағалы заттарды, т.б.) бөлу жөнінде экономикалық айналымға қатысушылар арасында туындайтын материалдық (мүліктік) талаптарға байланысты құқықтық қарым-қатынас жасаушылардың субъективтік құқылары.