ҚОСЫМША
1омоним сын есім. 1. Бір нәрсені толықтыра түсетін, толымды ететін; қосалқы, жанама. 2. Негізгіден бөлек, соған қосалқы. 3. Бас ұйымға, мекемеге т.б. қарасты (бөлімше). 4. Негізгіге, табиғиға қарама-қарсы ұғым, жасанды, құранды. 5. Үстеме. Қосымша ақы. Нормадан артық істелген жұмыс үшін төленетін ақша. Қосымша әдебиет. п е д. Мектеп және оқу орындары оқушылары мен тәлімгерлеріне пән бойынша берілетін негізгі әдебиетті толықтыратын әдебиет. Қосымша бағдарламаны бөлшектеу. и н ф. Клиентсервер жүйесінде – қосымша бағдарламадан оның үш негізгі бөлімін: мәліметтерді басқару, қосымша бағдарлама алгоритмі мен жариялау алгоритмін бөліп алу және оларды есептеу желісінің әртүрлі тұғырлары мен тораптарына тиімді жолмен үлестіру. Қосымша бет. Құжаттарды толтырғанда, жазғанда орын болмағанда жапсырылатын қосымша парақ. Қосымша бит. и н ф. Белгілі бір мақсатпен мәліметтер сөзіне үстемеленетін бит (мысалы, кодтау үшін, жұптығын бақылау үшін және т.б.). Қосымша бөлшек. сөйлеу. Қосалқы бөлшек. Қосымша білім беру. п е д. Азаматтардың, қоғам мен мемлекеттің білімге деген қажеттерін жан-жақты қанағаттандыру мақсатымен барлық деңгейдегі қосымша білім беру бағдарламаларының негізінде жүзеге асырылатын тәрбиелеу мен оқыту процесі. Қосымша дақылдар. ауылшаруашылық. Негізгі дақылдардың үстіне қосымша егіліп, негізгі дақылдар орылған соң жаздың екінші жартысында түсімі жиналатын бүркелме дақылдар. Қосымша дамыту бағдарламасы. педагогикалық. Оқушылардың жеке басының дамуына, кәсіптік бағдарын айқындауына, шығармашылық еңбегіне, қоғамдық өмірге бейімделуіне; азаматтық санасезімінің, жалпы мәдениетінің, саламатты өмір салтының қалыптасуына, бос уақытын мәнді ұйымдастыруға бағытталған бағдарлама. Қосымша еңбек. Қажетті жұмыс уақытынан тыс орындалған жұмыс. Қосымша жад. и н ф. а) Компьютердің жедел жадының көлемін арттыру үшін оған қосымша жалғанатын құрылғы. ә) Адрестік кеңістікте 1 мегабайттан жоғары орналасқан физикалық жад аймағы. Қосымша жалдау. экономикалық. Жалға алушы өзі жалға алған мүлікті басқа тұлғаға (қосымша жалдаушыға) жалға беруді көздейтін шарт. Қосымша жем [ қорек ]. ауылшаруашылық. а) Жануарларға үстеп берілетін жем. ә) Өсімдіктерге түсімін арттыру үшін үстеме берілетін тыңайтқыш түрі. Қосымша жеңілдіктер. экономикалық. Жалақыдан тыс өтемақы түрлері. Қосымша жергілікті қоғам. қ о ғ. әлеум. Шаруашылық қызметті жүзеге асыру мақсатында заңи тұлғалармен немесе азаматтармен (жеке тұлғалармен) жасалған келісім бойынша олардың мүлкін біріктіру жолымен құрылған бірлестік. Қосымша жүйке. биологиялық. Мидың он бірінші жұбы – қозғалтқыш жүйкесі. Қосымша жыныс бездері.