ҚҰРЫЛЫС
зат есім. 1. Белгілі жобамен салынып жатқан әртүрлі тұрғын үй, мекеме тағы басқа. 2. Белгілі бір нәрсенің құрылымы, құрамы. 3. биологиялық. Өсімдіктердің жасушалық құрамы. 4. медициналық. Адам, жануарлар ағзасының құрамы. // Ішқұрылыс. 5. ауыспалы мағына. Сипат, ұйымдасу, ұжым. 6. әдеб. Өлең жолдарының ұйымдасуы. Құрылыс акустикасы. құрылыс. Жалпы акустика ілімінің ғимараттар мен ғимараттардың қоршау құралымдарын сыртқы әрі ішкі орталардың шуынан оқшаулау және оны барынша азайту мәселелерімен айналысатын саласы. Құрылыс алаңы. Құрылыс жұмыстары жүріп жатқан жер, орын. Құрылыс банкісі. тарихи. Құрылыс үшін күрделі қаржы бөлетін бүкілодақтық банк. Құрылыс бұйымы. Үймереттер мен ғимараттардың құрылыс элементтері ретінде қолдануға арналған бұйым; орнату орнынан тыс дайындалатын құрылыс құрылымының элементі (бағана, ферма, беларқа, аражабын тақтасы, қабырға панелі, арматура қаңқасы және тағы басқа.). Құрылыс жұмыстары. Үйлер мен ғимараттарды тұрғызу, қайта құрылымдау, кеңейту, күрделі жөндеу кезінде орындалатын жұмыстардың кешені. Құрылыс индустриясы. құрылыс. Құрылыс нысандарын жаңадан салу, ұлғайту, жаңғырту, күрделі жөндеуден өткізу, құралжабдықтар орнату, құрастыру жұмыстарын индустриялық әдіспен жүзеге асыратын құрылысқұрастыру ұйымдарының жиынтығы. Құрылыс көтергіш. құрылыс. Тік немесе жантайған бағытымен айналатын, жүк құрылғының көмегімен алынған жүк түсіру және көтеру үшін арналған құрылғы. Құрылыс қаржылары. экономикалық. Құрылыс жұмыстарына бөлінген қаржы термині. Құрылыс материалдары. құрылыс. Үй, ғимараттар салу мен жөндеуде қолданылатын табиғи және жасанды материалдар мен бұйымдар. Құрылыс мәшинелері. Құрылыс жұмыстарына қажетті мәшинелер мен механикаландырылған құралжабдықтар. Құрылыс механикасы. құрылыс. Ғимараттардың беріктігін, қатаңдығын, соққы мен дірілге төзімділігін есептеу тәсілдері мен принципі жайындағы ғылым. Құрылыс нысандары. кітабистиль. Құрылыс салынып жатқан орын. Құрылыс объектісі. құрылыс. Соғылып, тұрғызылып жатқан үй-жай, құрылыс ны саны. Құрылыс өндірісі. Құрылыстың дайындық және негізгі кезеңдеріндегі құрылысқұ растыру және арнайы жұмыстарды қоса алғанда тікелей құрылыс алаңында орындалатын өндірістік үрдістердің жиынтығы. Құрылыс өнімі. экономикалық. іске қосылған және қайта құрамдастырылған өндірістік мақсаттағы нысандар (кәсіпорындар, ғимараттар: зауыттар, газ құбырлары т.б.); бейөндірістік мақсаттағы нысандар (тұрғын үйлер, мектеп, аурухана үймереттері, т.б.); құрылысқа шаруашылық саласы ретінде кіретін құрылыс, құрастыру, жобалау және іздестіру ұйымдары қызметінің нәтижелері. Құрылыстағы автомобиль көлігі. құрылыс. Құрылыс жүктерін тасымалдауға кең қолданатын негізгі көліктің түрі. Құрылыс тұтқырғыш заттары. құрылыс. Уақытымен қатайған қатты тас тәрізді дене, ыңғайлы өңдеуі мен массасы пластика сумен араласып алынған ұнтақ тәрізді материал. Құрылысты басқару. Тұрғызылып жатқан объектілерді еңбек, материалдық және ақша шығындарын неғұрлым азайтып, техникалық прогресс қарқынын арттыру жолымен іске қосу жоспарын орындауды қамтамасыз ету. Құрылыстың күнтізбелік жоспары. құрылыс. Негізгі құрылыс пен қосалқы объектілерді салу мерзімін келісуге арналған жоспар жасау мен құрылысмонтаж жұмыстарын жүргізу, сонымен қатар материалдықтехникалық жабдықтау қажеттігін белгілеп, жұмысшы кадрларын, құрылысқа керекті қаражат белгілеу. Құрылыстың мердігерлік әдісі. құрылыс. Құрылысмонтаж жұмыстарын жүргізудің ұйымдық нысаны. Құрылыстың сметалық құны. құрылыс. Кәсіпорынды, жекелеген ғимаратты не олардың кешенін (өндірістік комбинаттарды, тұрғын үй орамдарын, көлік жолдарын) салуға (жаңғыртуға) байланысты жұмсалатын барлық шығындардың мөлшері; құрылыстағы өнімнің бағасы. Құрылыстың іргетасын дайындау. Гидротехникалық ғимарат салынатын жердің іргетасын нығайту және жер құрғату мен суландыру желілері құрылысының беріктігін арттыру. Құрылыс экологиясы. Құрылыста бұзылған жерлерді өңдеу, табиғи қорларды жоғалтудан қақпайлау, топыраққа, суаттарға және атмосфераға зиянды заттарды шығарудан сақтау не тазартумен байланысты шаралар жүйесі. Құрылыс экономикасы. құрылыс. Құрылыс дамуының экономикалық заң дылықтарын, оның тиімділігін зерделейтін ғылым.