ЖАРТЫЛАЙ
үстеу. Бүтіндей, түгелдей емес, аздап, жарымдап. Жартылай автомат. техникалық. Біраз жұмысы қолмен істелетін, қалған жұмыстары автоматтандырылған металкескіш станок. Жар тылай бөлшектену. биологиялық. Аналық жыныс жасушасындағы сарыуыз қорының бөлшектенуі. Жартылай бұталы. ботаникалық. Шала бұталы. Жартылай гиро тұсбағдар. техникалық. Ұшу аппараттарының белгіленген бағыттан ауытқу бұрышын өлшейтін гироскоптық аспап. Жартылай дайын өнім. тамақ өнеркəсібі. Өндірістік және жеке тұтынуға жарамды, толық дайын болғанша әлі бір немесе бірнеше өңдеуден өтуге тиісті өнім. Жартылай күмбез. сәулет. Үй яки ғимараттар төбесін жабуға қолданылатын кеңістік құрылымдар. Жартылай қаттықанаттылар. зоологиялық. Ұзындығы 1 ммден 1 смге дейін, фасетті көздері және екі қарапайым көзшелері болатын жәндік отрядының бірі. Жартылай қорғаушы. спорт. Футбол, хоккей, т.б. спорттық ойындарда қорғаныспен бірге шабуылға да шығып ойнайтын ойыншы. Жартылай металдар. кен ісі. Химиялық қасиеттері металдарға жақын, бірақ электр өткізгіштігі өте төмен болып келетін висмут, сүрме, сынап, т.б. тәрізді элементтер. Жартылай орта салмақ. спорт. Спортшылардың 63тен 67 кгға дейінгі салмағы. Жартылай отырықшы. тарихи. Түгелдей отырықшы емес. Жартылай [ шала ] өткізгіш. техникалық. Өткізгіштермен изоляторлардың екі аралығында болатын қатты заттар; шала өткізгіштер. Жартылай өткізгіш материалдар. техникалық. Жартылай өткізгіштік қасиеті бар заттар. Жартылай өткізгіштер. техникалық. Электр өткізгіштігі бойынша металдар мен диэлектриктердің арасынан орын алатын заттар. Жартылай өткізгішті болометр. техникалық. Радиациялық сәулелердің энергия мөлшерін өлшеуге арналған аспап. Жартылай өткізгішті генератор. физикалық. Жартылай өткізгішті триод арқылы ток көздерінің энергиясын электр тербелісінің энергиясына айналдыратын электрлік тербеліс генераторы, транзистор. Жартылай өткізгішті диод. физикалық. Жұмыс принципі жартылай өткізгіштердегі p-n ауысуына негізделіп жасалған екі электродты аспап. Жартылай өткізгішті дозиметр. ф и з. Қабылдағыш бөлігі жартылай өткізгіштен жасалған доза өлшеуіш аспап. Жартылай өткізгіштік қасиет. техникалық. Бірсыпыра сульфидті және тотықты минералдарда болатын қасиет. Жартылай өткізгішті күшейткіш. физикалық. Электр сигналдарын күшейту элементтері жартылай өткізгішті аспаптардан жасалған күшейткіш. Жартылай өткізгішті лазер. физикалық. Белсенді аумағы жартылай өткізгіштен жасалған, бірыңғай сәуле шығаратын генератор. Жартылай өткізгішті тоңазытқыш. техникалық. Жартылай өткізгіштердің бірбағыттық өткізгіштігі негізінде металдар контактісінен ток өткенде жылу жұтылу құбылысына негізделіп жасалған салқындатқыш аспап. Жартылай өткізгішті триод. техникалық. Пайдалану мақсаты мен сипаттамалары жағынан үш электродты күшейткіш шамаға сәйкес келетін жартылай өткізгішті аспап. Жартылай пар. егіншар. Парға егілетін алғы дақылдарды жинап алғаннан кейін күздік дақыл не келесі жылы жаздық дақыл егу үшін топырақты өңдеу әдісі. Жартылай патриархалдық. тарихи. Түгелдей патриархалдық емес. Жартылай тұтылу. астрономиялық. Күннің не Айдыңтолық емес, жарым-жартылай тұтылуы. Жартылай финал. спорт. Біріншілік үшін өтетін спорт ойындарының ақтық жарыс алдындағы кездесуі. Жартылай хордалылар. зоологиялық. Екіжақты симметриялы денесі үш бөлімнен тұратынқуысты омыртқасыздардың бір түрі. Жартылай ыдырау периоды. физикалық. Берілген радиоактивті зат атомдарының жартысы ыдырап үлгеретін уақыт.