БҰЙЫМ
зат есім. 1. Мүлік, жиһаз, дүние, зат есім. 2. Жұмыс, iс, шаруа. 3. экономикалық. Саны бір-бірлеп немесе даналап есептелетін (кейде салмақ өлшемімен есептеледi) өнеркәсіп өнімінің бірлігi. Бұйымға аспады. Іске аспады, қажетке жарамады. Бұйым болмады. а) Ұзаққа бармады, көпке шыдамады. ә) Жұмырына жұқ емес, түкке тұрмайды. Бұйым болып па! сөйлеу. Сөз болып па, түк емес; жеңіл, оңай. Бұйым демедi. Жүк көрмедi, елемедi, місе тұтпады. Бұйым емес. Сөз емес, түкке тұрмайды; оп-оңай. Бұйым жоқ, алым [ әлім ] жоқ. Еш бұйымы жоқ, өзіненөзi. Бұйым [ құрлы ] көрмедi [ көрген жоқ ]. Мiсе тұтпады, көзге iлмедi, ескермедi, жүк көрмедi. Бұйым салмады. жергілікті сөз. Шыбын құрлы көрмедi. Бұйымның технологиялық өзіндік құны. қаржы термині. Сатып алынатын бөлшектердi есептемегенде, бұйымды дайындаудың технологиялық процестерін жүзеге асыруға жұмсалатын шығындардың сомасы. Бұйымын сұрады. Тiлектерін айтты, қалауын білдірдi.