ҚОРЕКТІК
сын есім. биологиялық. 1. Қорек боларлық, азықтық, құнарлылық. 2. Ағзаның дұрыс жетілуіне қажетті. Қоректік аумақ. егіншар. Әр өсімдіктің тамырын қоректендіретін жер аумағы. Қоректік деңгей. биологиялық. Қоректену типімен біріктірілген ағзалар жиынтығы. Қоректік ерітінді. биологиялық. Өсімдіктерді минералды заттармен қоректенуі мен тамыр жүйесі қызметтерін зерттеу үшін өсіруге арналған жасанды ерітінді. Қоректік заттектер қоры. биологиялық. Топырақтың белгілі бір қабатындағы қоректік заттектер қоры. Қоректік орта. биологиялық. а) Микробиологиялық практикада әртүрлі микроорганизмдерді өсіруге арналған орталар. ә) Микробиологияда бактерия, саңырауқұлақ (ашытқы және зең саңырауқұлақтар) және балдырлар өсіру үшін қолданылатын қоректік заттар.