ӘДІЛ
[ араб тілі. ] сын есім. 1. Шындық сүйгіш, алалық жасамай, ақиқатқа сәйкес әрекетететін. 2. Турашыл, әділеттi, шыншыл. 3. Адал, таза, жалғандықты білмейтін. 4. Ақиқатқа, шындыққа сәйкес, тура, жөн, дұрыс. 5. қ о ғәлеум. Әділеттілік талаптарына негізделген, ахлақ (мораль) пен құқық нормаларына сәйкес. 6. Бәріне бірдей, тең мүмкіндік беретін. Әділ баға. Бiреудің еңбегінің, өнерінің, талабының iсқимыл, ойы мен сөзінің шынайы, дұрыс парқы. Әділ болды. Адамгершілік талаптарын ұстанды, ахлақ нормаларын берік сақтанды, турашыл, шыншыл болды. Әділ жаза. Айып, кінәсына қарай қоғамдық ахлақ принциптерi мен адамгершілік талаптарына сәйкес қойылған дұрыс, шынайы жаза. Әділ жаннан түңілттi. бейнелі сөзқолданыс. Үмітін үздірттi, дүниеден бездірттi, баз кештірттi. Әділ жол. Адамгершілік пен қоғамдық ахлақ талаптарымен үйлескен даму бағыты. Әділ жүрек. бейнелі сөзқолданыс. Адал, турашыл, шыншыл таза көңіл. Әділ заман. Әділеттi дәуір, қоғам. Әділ құн. экономикалық. Актив айырбасталатын, міндеттеме бойынша есеп айырысу жүргізілетін немесе жақсы хабардар етілген, осындай операцияларды жасауға ниеттi тәуелсіз тараптар арасында операциялар жасау кезінде ұсынылған үлестік құралдар айырбасталатын сома. Әділ қылды. Турашыл, шындықсүйгіш еттi. Әділ сөз. Дұрыс, тура, шыншыл, әділеттi айтылған сөз. Әділ тез [ таразы ]. бейнелі сөзқолданыс. Турашыл, шыншыл талқы, әділеттi бағалау, аққарасын айырып беретін адал сын есім. Әділ iс. Әділеттік жолындағы дұрыс, адал әрекет.