МҰСЫЛМАН
[ а р. и р. ﻤﺴﻠﻤﺎﻦ ] зат есім. 1. Ислам дінін мойындаған, соның шарттарын орындайтын, Аллаға мойынсұнған адам. // Ислам дініндегі жұрт, ел. 2. ауыспалы мағына. Қайырымды, мейірбанды кісі, шапағатты жан, Алланың құлы. Мұсылман баласы. Мұсылман дініне мойынсұнған адам, Алланың құлы, барша мұсылман атаулы. Мұсылман бауырластығы. Мұсылмандар арасындағы ынтымақ-бірлік. Мұсылман діні. Ислам діні. Мұсылман дүниясы. Мұсылмандар арасы, іші, ортасы. Мұсылман жәмиғаты. Ислам дінін қабылдаған, соған адал ниетімен берілген қауым. Мұсылман құқығы. діни. саяси. Араб халифатында vіi-х ғасырларда қалыптасқан құқық жүйесі. Мұсылман пенде. Мұсылмандықты ұстанған адам. Мұсылман үмметі. діни. Мұхаммед пайғамбардың (с. ғ. а.) соңынан еріп, ислам дінін қабылдаған адамзат, халық.