АҢ
1омоним зат есім. Етi мен терісi үшін ауланатын түз жануарлары. Аң алды. Баптаған қыран құс, тазы ит аң ұстады. Аң аулады. Белгілi амалтәсілмен аңды торып, қолға түсіріп, олжалады. Аң байлады. аңшылық. Олжасын біріншi кездескен адамның қанжығасына байлады. Аң байланды. Аңшылықтан олжалы қайтты. Аң баспаса, жан баспаған [ жер ]. Адам аяғы жетпеген. Аң басы жуық болсын! аңшылық. тілек. Аңшыларға айтылатын қанжығаға байланар күн жақын болсын деген мағынада айтылатын сөз. Аң білік. көнерген сөз. Аңшылық бұйымдар дүкенi. Аңға жібердi. этнографиялық. Бапталған қыран құсты аң аулауға алып шықты, жемтікке жіберіп, аңға салды. Аңға салды. Аң аулауға шығарды. Аңға шықты. Аң аулайтын құрал-жабдық, қаруымен сайланып, күнкөріс мақсатында не демалыс т.б. үшін аңшылыққа кеттi. Аң қақты. Аңшылық қылды, аң аулады. Аңның жымы. Қасқыр, түлкi, қоян тәріздi аңдардың жүретін жолы. Аң тәрізділер. Аң тәріздi бауырымен жорғалаушылар. Аң үстінде. Аң аулаукезінде, аң аулау үстінде.