МАЙДА
сын есім. 1. Ұсақұсақ, кішірек. 2. Биязы, жұмсақ (жүн, шаш, мата т.б.). 3. ауыспалы мағына. Борап, ұйтқып жауған ұсақ (қар). 4. ауыспалы мағына. Баяу соққан жылы леп, самал жел. 5. ауыспалы мағына. Сыпайы, әдепті, жайдары мінезді. 6. ауыспалы мағына. Құлаққа жағымды (үн, дауыс). 7. ауыспалы мағына. Кішігірім, елеусіз. Майда жел. Жанға жайлы, баяу жел. Майда жонды. Жотасы қатты шықпаған, толқын-толқын. Майда қол. Жақсы мінез, жағымды қылық. Майда қолмен ұстады. Жақсы, ықыласты, жағымды көңілмен күтті. Майда қоңыр. а) Қоңыр салқын (ауа райы, күн). ә) Жанға жайлы (үн, дыбыс). Майда шынықтыру. м ә ш. Майдың ішінде суыту арқылы шынықтыру.