МОМЫН
сын есім. 1. Айтқанға көнетін, көнбіс, жуас. 2. Қарапайым қара халық, еңбек адамы, ел. 3. Ешкімге зияны жоқ, көзге түспеуге тырысатын. 4. діни. Ислам дініне сенуші, мұсылман, діндар. 5. жағымсыз. Ынжық, қорқақтау; біреудің айтқанымен ғана жүретін. 6. ауыспалы мағына. Адамдарға қауіп төндірмейтін, залалсыз (аң). 7. ауыспалы мағына. окказ. Қоңыр, қоңырқай. Момын адам. Есерлігi жоқ, ешкімге соқтықпайтын, салмақты, жуас кісi. Момын балықтар. зоологиялық. Жыртқыш емес балықтар. Момынға тізесін батырды. Қарапайым шаруа адамына, зорлық көрсетті. Момын ел. Қарапайым қара халық, көнбіс жұрт. Момын мінез. Жуас, момақан.