ЖАБАЙЫ
сын есім. 1. Қолға үйренбеген, тағы. 2. Қоғамдық, елеуметтік жағынан артта қалған мешеу (ел). 3. Жұпыны, жай, қарапайым, дөрекі. 4, өзінен-өзі өсіпөніп тұратын, түздік. 5. Көзге қораш. 6. ауыспалы мағына. Кісіге жуыса алмайтын жасқаншақ, ұялшақ. 7. Дөрекі, тұрпайы, жағымсыз. Жабайы адамдар. Үңгір мен лашықтарда тұрып, аң аулап қана тіршілік еткен адамдар тобы. Жабайы ара. зоологиялық. Жендіктер класының жарғаққанаттылар отрядының жабайы аралар тұқымдасының бір түрі. Жабайы банкив тауығы. зоологиялық. Тауық терізділер отрядына жататын құстардың жабайы тауық немесе бұта тауығы. Жабайы бидай. а) Масағы сынғыш бидай түрі. е) жергілікті сөз. Былтыр еккен бидай орнына келесі жылы екпейақ шыққан бидай. Жабайы борыққамыс. өсімдік. . Қазақстанда таралған астық тұқымдасы, борыққамыс туысына жататын өсімдік. Жабайы жүзім. ботаникалық. Жүзім тұқымдасына жататын, ағаштанып қатайып кеткен көпжылдық шырмауық. Жабайы ит. зоологиялық. Иттер туысына жататын, екінші рет жабайы итке айналған иттер тұқымдасы. Жабайы қасқыржем. өсімдік. Лалагүлдер тұқымдасына жататын, биіктігі 70120 см көпжылдық шөптесін өсімдік. Жабайы қыша. өсімдік. Шыршагүлділер тұқымдасына жататын біржылдық шөптесін өсімдіктер туысы. Жабайы мінез. Кісіге жұғымы жоқ дөрекі мінез. Жабайы сарымсақ. өсімдік. Пияз теріздес шөптесін өсімдік. Жабайы сұр қаз. зоологиялық. Қаз терізділер отрядына жататын ірі денелі құс. Жабайы шомыр. өсімдік. Орам жапырақтар тұқымдасына жататын біржылдық шөптесін өсімдік. Жабайы шөп. жергілікті сөз. Далаға шығатын табиғи шөп.