ҚОШҚЫЛ
сын есім. Қара қоңыр, күреңдеу (түс). Қошқыл бактериялар. биологиялық. Құрамында түрлі түсті (қызыл, күлгін, қоңыр, қошқыл) бояулары бар бактериохлорофилді және қаратеноидті пигменттері бар бактериялар. Қошқыл қызыл. Қошқылы басым қызыл (түс). Қошқыл теміртас. геологиялық. Бірқатар минералдардың қоспаларынан, негізінен темір гидроксидтерінен (гетит, гидрогетит, гидрогематит), балшықты минералдардан тұратын темір рудалары. Қошқыл теңгіш. зоологиялық. Австралия суқоймаларында тіршілік ететін, табиғатта дене тұрқы 20 смге дейін жететін зеңгібас тұқымдас балықтардың бірі.