ТІРШІЛІК
зат есім. 1. Күнделікті іс-әрекет, өмір, тірлік. 2. Тірі жүрушілік, амансаулық. 3. ауыспалы мағына. Белгілі бір шаруа, кәсіп. 4. Тіршілік иесі, тірі зат есім. Тіршілігің құрсын! Бүйтіп тіршілік еткенше, тірі жүрмейақ қой. Тіршілік етті. Өмір сүрді, күн көрді. Тіршілік заттегі. химиялық. а) Организмдердің тіршілік әрекеті нәтижесінде пайда болған химиялық қосылыстар (бірақ олардың дене құрамына кіруі міндетті емес). ә) Тіршілікті қолдау үшін қажетті химиялық элемент немесе қосылыс. Тіршілікке қабілеттілік. биологиялық. Организмнің үнемі сыртқы ортамен қарымқатынаста болып, қоршаған орта жағдайы өзгерген кезде тіршілігін сақтап қалуға икемділігі. Тіршілік кеңістігі. а) биологиялық. Популяцияның бір дарағына келетін, дарақтың популяция құрамында қалыпты тіршілік етуін қамтамасыз ететін орташа аудан. ә) Тамақ өндіру, техникалық дақылдар өсіру, инфрақұрылымдарымен қоса өнеркәсіп объектілерін жайғастыру және адамдардың демалып тынығуы үшін қажет аудандарды қамтитын адамның барлық қажетсінулерінің қанағаттандырылуы үшін қажет аумақ. Тіршілік ортасы. биологиялық. Өсімдіктің, жануардың немесе тұтас биоценоздың тіршілік етуіне қажетті жағдайлары бар орта. Тіршілік сапасы. Адам экологиясында және әлеуметтік экологияда адамдардың мәдени және материалдық мұқтаждықтарға қанағаттандыру сапасын білдіру үшін кең қолданылатын ұғым. Тіршілік етті. јмір сүрді, күн көрді. Тіршілік ету. јмір сүру. Тіршілік қайығын еркін есті. бейнелі сөзқолданыс. Өмір жолында өзіне сенімді болды, оңай игеріп әкетті. Тіршіліктің иірімі. Күнделікті өмірдің күйбеңі, қалтарысы мен қиын кезеңдері. Тірі жан тіршілігін істейді. Әркім өз тіршілікқамын жасайды деген мағынада.