КҮРЕҢ
сын есім. 1. Қызыл қоңыр, қошқылтым. / Қызыл қоңыр, қошқылтым түс. 2. Түгінде қызғылтқоңыр қылшығы басым (жылқы). 3. ауыспалы мағына. Жабығыңқы, қуаң, тұнжыр. Күрең бие. Қызыл қоңыр, қошқылтым түстi бие. Күрең жол. Кең, даңғыл жол. Күрең жон. Күрең тартып жатқан жон, қырат. Күрең күз. поэтикалық. Жабығыңқы, қуаң, тұнжыр күзгі уақыт. Күрең қабақ. Көңілсіз, ренішті, тұнжыр, түнерген жүз. Күрең қабақ [ қабақтау ] болды. Ұрысты, ренжісті. Күрең қабақтанды. Тұнжырады, ренжіді, налыды. Күрең қошқыл. Қошқылданған қою қызыл (түс). Күрең қызыл. Күреңденген қызыл түс. Күрең мұң. Реніш, жабырқаңқы көңіл күй. Күрең сары. Күрең тартқан қою сарытүс. Күрең тартты. Күреңденді, күреңітті. Күрең тау. Қызғылтым түсті, қоңырқай тартқан тау. Күрең төбел. Маңдайында төбелі бар күрең жылқы. Күрең төбелденді. Күрең тартып өзгерді, құбылды. Күрең [ қозы күрең ] шай. Қаймақ, сүт қатқан (құйған) қою шай.