ОРГАНИКАЛЫҚ
сын есім. 1. биологиялық. Өсімдіктер мен жануарлар әлеміне жататын. 2. Ағзаға тән, денеде болатын. 3. ауыспалы мағына. Біртұтас, бөлінбес. Органикалық анализ. химиялық. Органикалық заттардың сандық, сапалық құрамын және химиялық құрылысын анықтау әдістері жөніндегі ғылым. Органикалық геохимия. химиялық. Тау жыныстарындағы органикалық заттардың химиялық және изотоптық құрамын зерттей- тін геохимияның бір саласы. Органикалық дүние. биологиялық. Жер бетінде тіршілік етіп, жойылып кеткен және осы кезде тіршілік етіп жатқан ағзалардың жиынтығы. Органикалық жүйе. термин. Қарапайым биологиялық, ағзалар, популяциялар мен түрлер жүйесі, экожүйелер жататын тірі жүйе. Органикалық зат есім. химиялық. а) Көміртек пен сутектің химиялық қоспасы. ә) геологиялық. Шөгінді таужыныстардың қалыпты құрам бөлігі. Органикалық қалдықтар. биологиялық. Тірі ағзалардың (жануарлар мен өсімдіктердің) сақталып қалған бөліктері. Органикалық қосылыстар. химиялық. Құрамында негізгі элемент ретінде көміртегі және сутегі, оттегі, азот бар химиялық қоспалар. Органикалық қосылыстардың тотығуы. химиялық. Органикалық қосылыстың молекуласына оттек атомдарын енгізу және сутек атомдарын бөліп шығару. Органикалық қышқылдар. химиялық. Құрамын- да карбоксил тобы (СООН) бар органикалық қосылыс. Органикалық ластаушы. экологиялық. Тірі ағзалардың (жануарлар мен өсімдіктердің) қалдықтарының ыдырауынан пайда болған ластаушы заттар. Органикалық нитраттар. химиялық. Азот қышқылының эфирлері, түссіз немесе ашық сары түстің сұйықтықтар. Органикалық синтез. химиялық. Органикалық химияның органикалық қосылыстардың түзілу жолдары мен әдістерін лаборатория және өндіріс көлемінде зерттейтін бөлімі. Органикалық тыңайтқыш. ауылшаруашылық. Жануарлар мен өсімдік қалдықтары- ның органикалық қосылыстары түрінде кездесетін қоректік заттар. Органикалық тіршілік. биологиялық. Жердің биосферасын мекендеуші ағзалардың жиынтығы. Органикалық үгілу. биологиялық. Бактериялар, саңырауқұлақтар, қыналар, мүктер сияқты организмдердің әсерінен түзілетін үгілу. Органикалық химия. химиялық. Көміртекті химиялық қосылыстардың өзгеру заңдылықтарын зерттейтін химияның бір саласы. Органикалық шыны. химиялық. а) Органикалық полимерлер (полиакрилаттар, полистпрал, поликарбонаттар) негізінде жасалатын мөлдір, қатты материал. ә) мәш. Полиметилметакрилат, полистрол, поликарбонаттар негізіндегі оптикалық материалдардың техникалық атауы.