ЭЛЕКТР
[ грек тілі. elektrоn ] зат есім. 1. физикалық. Материя бөлшектерінің (электрондардың, позитрондардың және протондардың) қозғалысынан пай да болатын қуат күшінің түрі. // Электрге қатысты, электрмен жұмыс істейтін. 2. Осындай қуат күшінен алынатын жарық. Электр аспаптар. физикалық. Ағаштан, металдан, пластмассадан және тағы басқа. әpтүрлі бұйымдар жасау, сондай-ақ пәтерді және тұрмысқа қажетті заттарды жөндеу кезінде аралау, егеу, бұрғылау, үшкірлеу, сүргілеу, өңдеу, жылтырату үшін қолданылатын, электр қуатымен жұмыс істейтін құралсаймандар. Электр контакті. информатикалық. Электр тізбегінің құрамды бөліктерінің электр тогын өткізетін жанасқан жері (беті) немесе осылай жанасуды (жалғасуды) қамтамасыз ететін тетігі. Электр кофеұсатқыш. техникалық. Екі бөлікті пластмасса корпустан құралған, бірінде электрқозғалтқыш, ал екіншісінде – түбінде саптамамен бекітілген дәнге арналған бункер орналасқан, кофе дәні шапшаң айналатын саптаманың (қалақшасы бар диск) көмегімен ұсақталатын кофеұсатқыш. Электр қозғаушы күш. физикалық. Электр тізбегіне жалғанған, табиғаты электростатикалық емес энергия көзі. Электр қуаты. физикалық. Киловаттсағатпен өлшенетін электр энергиясы. Электр қырықтық. техникалық. Электр қуатымен қой қырқатын аппарат. Электр мәшинесі. физикалық. Электрмагниттік индукция құбылысын пайдалану негізде қозғалатын мәшине. Электр өрісі. физикалық. Электр зарядының айналасында немесе бір уақыт ішіндегі магнит өрісінің өзгерісі нәтижесінде пайда болатын электромагниттік өрістің дербес түрі. Электр плита. физикалық. Тамақ пісіруге арналған электрлік қыздырғыш аспап. Электр тізбегі. физикалық. Электр энергиясын тасымалдауға арналған сым немесе кабель. Электр ұстарасы. Пышақ блогының іске қосылуы арқылы қырынуға болатын ұстара. Электр шамы. физикалық. Электр энергиясы оптикалық сәуле энергиясына айналатын жасанды жарық көзі.