ОРМАН
зат есім. 1. Әртүрлі ағаштардың табиғи, өскен шоғыры, қалың тоғай. 2. ботаникалық. Жер бетіндегі табиғи қорлардың, оның ішінде өсімдіктер жамылғысының басты бір типі. Орман ағаш. сөйлеу. Ну болып өскен ағаш, тоғай. Орман ақшайыры. өсімдік. Сиретілген және ашық орманда, оның шетінде, бұталар қауымында, биік шөпті құмдық және батпақты немесе ылғалды жерлерде өсетін, күрделігүлділер тұқымдасына жататын, биіктігі 10-80 см көпжылдық шөптесін бұта. Орман байғызы. зоологиялық. Байғыздар түріне жататын, орманда мекендейтін, Қазақстан жерінде кездесетін құс түрi. Орман белдеулері. Орман өсетін алқапты жерлер. Орман бүлдіргені. өсімдік. Раушангүлділер тұқымдасына жататын, өзен жағасы, орман шетінде, таудың ылғалды бөктерлерінде, бұта арасында өсетін, жапырағы мен жемісін дәрілік шикізат үшін пайдаланатын, биіктігі 10-30 см көпжылдық, шөптесін өсімдік. Орман жаңғағы. өсімдік. Қайың тұқымдасына жататын орман бұтасының жемісі; кондитер өндірісінің құнды жаңғақ шикізаты. Орман жаңғақ туысы. ботаникалық. Орман жаңғағына туыстас өсімдік. Орман жаңғырту. орманша р. Орман ішінде ағаштары кесілген не өртелген алаңдарға ағаш отырғызу. Орман жидегі. өсімдік. Биіктігі 5-20 см, көпжылдық шөп сабақтас өсімдік және ормандарда жабайы түрде өсетін бұталар, шала бұталар, шөптесін өсімдіктердің шағын, шырынды жемістері. Орман жолағы. Суармалы танаптардың төңірегіне, каналдардың, су қоймаларының жағалауларына, жол бойларына өсірілген ағаш, орман белдеулері. Орман заңнамасы. орманша р. Ормантоғайды сақтау, қорғау және пайдаланудан туындайтын қоғамдық қатынастарды реттейтін нормативтікқұқықтық актілер кешені. Орман зиянкестері. зоологиялық. Ағаш, бұта өсімдіктерін зақымдайтын жәндіктер, кейбір кене түрлері, қоян, тышқан тұқымдас кемірушілердің жалпы атауы. Орман зонасы. географиялық. Қоңыржай климаттық белдеудегі қысы суық, қары қалың, жазы жылы, ылғалы мол, топырағы күлгін, батпақты табиғат зонасы. Орман күтуші. Орманды қорғаушы, қараушы. Орман қазтамағы. өсімдік. Биіктігі 80 сантиметрге дейін жететін, тамыры тік өсетін, сабағының өн бойын түк басқан, жоғарғы жағында бұтақтары көп көпжылдық, шөп тектес өсімдік. Орман қарақасы. зоологиялық. Көбінесе таулы жерлерді мекендейтін, ағаш басында тіршілік етуге бейімделген қарақас тұқымдасына жататын кеміргіш. Орман қорғау. орманша р. Орман қорын тиімді пайдалану, оны толықтыру, өрттен, зиянкестерден және аурулардан қорғау, сондай-ақ ағаш өнімін арттыру шаралары. Орман қоры. географиялық. Мемлекет аумағындағы барлық ормандар мен орман шаруашылығы қажетіне арналған жерлер. Орман қорықжайы. орманша р. а) Орман ағаштарының көшеті өсірілетін жер. ә) Ағаштар мен бұталардың көшеті өсіріліп, тұқымдары алынатын шаруашылық. Орман құлқайыры. өсімдік. Биіктігі 1 метрге дейін жететін, тамыры тұтас әрі түзу, көптеген қосымша тамырлары бар, бір немесе екіжылдық, шөп тектес өсімдік. Орман мелиорациясы. су шаруашылық. Қандай да болсын бір аумақтың (оған бұзылған жерлер де енеді) гидрологиялық, топырақтық, климаттық, ландшафтық және тағы басқа. табиғи жағдайларын жақсарту үшін қолдан жасалатын немесе өзгермелі орман екпе ағаштарын пайдалану бойынша шаралар кешені. Орман отырғызу. Орман ағаштарын қолдан егіп өсіру. Орман өскін. Өсіп шыққан орман, орман қоры. Орман паркі. Қала сыртындағы көпшілік демалатын арнаулы орман-тоғай. Орман патшасы. бейнелі сөзқолданыс. Орман иесі. Орман сиыржоңышқасы. өсімдік. Ағаш арасында өсетін биіктігі 150 смдей, жайылымдық, көпжылдық шөп. Орман сусары. зоологиялық. Аішыл қоңыр түсті, құйрығы ұзын, бағалы аң. Орман тәлімбағы. Ағаш немесе бұта көшеттері өсірілетін тәлімбақ. Орман төсеніші. Орманда өскен ағатың, бұтаның, шөптесін өсімдік қалдығынан пайда болған қабат. Орман хайуанаттары. Орманды аймақта тіршілік ететін жануарлар. Орман химиясы. химиялық. Ағаштан көпір, шайыр, сірке қышқылын алу үшін, ағаш сүректерінің өндірістік өнімдерін өңдеумен шұғылданатын химияның технология саласы. Орманын отын етті. Тіршілігін, күнкөрісін жоқ қылды, ойрандады.