WONDER WORDS · Казахский язык

тышқан

Значение слова

ТЫШҚАН

1омоним зат есім. 1. Далалы жерді мекендейтін сүйір тұмсықты сүтқоректі жәндік. 2. ауыл -шар. Егістіктерге, азықтүлік қоймасына нұқсан келтіретін зиянкес кеміргіштер. 3. зоологиялық. Синантропты ағзалар қатарына жататын, араларында космополиттері де (егеуқұйрықтар) кездесетін кеміргіштер отрядының бір тұқымдасы. 4. этнографиялық. Ескіше шығыс күнтізбесі бойынша 12 жылдың ең бастапқы жылының аты. 5. Үй тышқаны. 6. ауыспалы мағына. бейнелі сөзқолданыс. Кішкентай, ұсақшыл адам мағынасында. Тышқан ауруы. ветеринарлық. Шыішыт безі шошудан білеуленіп, ісіп кететін, көбіне жылқы малында болатын кесел. Тышқан жорғалатпайды. Тірі жанды қыбыр еткізбейді, қимылдатпайды. Тышқан жылы. Доңыз жылынан соң, сиыр жылынан бұрын келетін, 12 жылда бір рет қайталанып отыратын мүшел есебінің бірінші жылы. Тышқан көз. Сығырайған кішкене көз. Тышқан көрген мысықтай. бейнелі сөзқолданыс. Жиырылып, шапшып. Тышқан қажады. Тышқан тісімен егеді, кемірді. Тышқан мұрнын қанатпады. а) Мал соймады. ә) Біреуге зиян істемеді, қиянат жасамады. Тышқан мысықпен ойнамайды. Өлетін жерін біледі, әлшамасына қарай қозғалады. Тышқанның тықырын сезіп қойды. Саққұлақ, сергек. Тышқанның ізіндей. Тым ұсақ, болар-болмас. Тышқан ініне кіре алмай жүріп, құйрығына қалжуыр байлайды. кекесін. Шамасына қарамай, қолынан келмейтін іс істейді деген мағынада.

ТЫШҚАН

2омоним зат есім. ветеринарлық. Тышқан ауруы.

ТЫШҚАН

3омоним зат есім. жаңасөз. информатикалық. Тінтуір (белгілі бір бет бойынша орын ауыстыруы нәтижесінде қызмет етілетін жеке-дара ыішам құрылғы; графикалық ақпаратты енгізу манипуляторы; үстел бетімен жылжытқанда экрандағы меңзерді қозғалтатын, қолмен басқарылатын кішкене пішіні тышқан тәріздес құрылғы). Тышқан меңзері. Тышқан арқылы дисплей экраны бойынша орын ауыстыратын графикалық символ. Тышқанмен сүйреу. информатикалық. Ерекшеленген үзіндіні тышқан меңзерінің соңынан ілестіріп жылжыту. Тышқан мұрнын қанатпады. Мал соймады, елемеді. Тышқан нұсқағышы. информатикалық. Тышқан компьютерге қосылғанда және тышқан драйвері жүктелгенде әрқашан экранда тұратын белгі. Тышқанның сезгіштігі. информатикалық. Тышқанның үстел бетіндегі орын ауыстыру жылдамдығы мен экран бетіндегі меңзердің жылжуы арасындағы өзара байланыстың сипаттамасы. Тышқан төсемі. информатикалық. Резеңке немесе пластикалық пластина. Тышқан ініне кіре алмай жүріп, құйрығына қалжуыр байлады. кекесін. Шамасына қарамай, қолынан келмейтін іс істейді деген мағынада.