ҚОЯН
1омоним зат есім. зоологиялық. 1. Құйрығы қысқа, артқы аяқтары ұзындау келген, ұзын құлақ кішілеу аң. 2. зоологиялық. Кеміргіштер тобына жататын ұзын құлақ сүтқоректі жабайы аң (не үй жануары). Қоян бөрік. Қоян терісінен тігілген бөрік. Қоян биі. Қазақтың халық биі. Қоян бүркіт. Қазақтың халық биі. Қоян жақ. Қоянның жағы сияқты шығыңқы, сүйір. Қоян жалтаққа салды. Жалт берді, бұлталақтады, жалтарды. Қоян жон. Қоянның жоны тәрізді дөңес келген, үсті тегіс, жұп-жұмыр қыр. Қоян жондады. Томпайтты, жұмырлады. Қоян жонды. Жоны қоянның жонындай. Қоян жүзген. өсімдік. Кирказондар тұқымдасы жүзген туысына жататын өсімдіктің түрі. Қоян жүрек қорқақ. Сужүрек, табансыз, үрейшіл. Қоян жылы. Барыс жылынан соң, ұлу жылынан бұрын келетін, 12 жылда бір рет қайталанып отыратын мүшел есебінің 4жылы. Қоян жымындай жол. Ирек, жықпылды, бұрылысы көп сүрлеу. Қоян қашты. жергілікті сөз. Егінді орып бітер кезде сұрап келгендерге беретін үлес. Қоян қашты, бел басар. жергілікті сөз. Егін орылып жатқанда, аяқталатын кезде тездетіп ору. Қоян қаштылады. Іске, жұмысқа өте қызығып, ынталанып кірістi. Қоян қора. Үй қояны ұсталатын тор, торлы батарея, жаппа. Қоянның жымындай жол. Ирек, жықпылға тартуы көп сүрлеу. Қоян терісі құрлы болмады. а) Заттың сапасы түкке жарамады. ә) Шыдамсыздық, төзімсіздік көрсетті. Қоян фермасы. ауылшаруашылық. Қоян өсіруді ұйымдастыратын ауылшаруашылығы кәсіпорнының бөлімшесі. Қоян шоқырақ. Жай шабыс. Қоян ішік. этнографиялық. Қоян терісінен тігілген ішік.