КЛИМАТТЫҚ
сын есім. географиялық. Климатқа тән, климатқа байланысты. Климаттық белдем. географиялық. а) Климаттық аудандастырудың неғұрлым ірі өлшемі: ендік ұзындығы көп не аз, климат қалыптасуының ерекше жағдайларымен сипатталатын Жер шарының кең аймағы. ә) Таудағы өзіне тән климаттық ерекшеліктері бар тік белдеу. Климаттық белдемділік. географиялық. Ғаламшардың беткі жазықтығын климаттық өзгешіліктері тұрғысынан бірнеше белдемдерге бөлу ұстанымы. Климаттық белдеу. географиялық. Жер бетіндегі негізгі метеорологиялық құбылыстары біртекті болып келетін аймақ. Климаттық климакс. географиялық. Жергілікті жердің климаттық жағдайларына сай өсімдік қауымдастығы дамуының біршама тұрақты “финалдық” фазасы.