ЖЫЛЖЫМАЛЫ
сын есім. 1. Арыбері жылжытуға болатын, қозғалмалы. 2. Бір жерден екінші жерге ауыстыруға, апаруға болатын. 3. Сусымалы, көшпелі. Жылжымалы байланыс құралдары. әскери сөз. Оперативтік құжаттар және басқа да қызметтік құжаттарды жеткізуге арналған көлік құралдары. Жылжымалы басқару пункті. әскери сөз. Құтқару жұмыстарын жүргізуді тікелей басқару үшін құрылған пункт. Жылжымалы баспалдақ. техникалық. Адамдарды тасымалдауға арналған сатыларда үздіксіз қозғалып тұратын еңіс конвейер. Жылжымалы бөгеу атысы. әскери сөз. Жаудың танкілері мен жаяу әскерлерінің шабуылына тойтарыс беріп, өз әскерлерінің алдыңғы қорғаныс шебіне жеткенге дейін жауды бөгеп, жою үшін артиллериядан жүргізілетін атыс. Жылжымалы желі. информатикалық. Ашық ортада жеткізу техникасын қолдана отырып, бір-бірімен немесе орталық (қозғалмайтын) компьютермен әрекеттесе алатын жылжымалы стансылардан тұратын желі. Жылжымалы (уақытша) жолдар. кен ісі. Кен жұмыстары технологиясының шарттары бойынша белгілі бір уақыт аралығында көшіріліп отыратын карьер жолдары. Жылжымалы кітап дүкенi. Көшпелi кітап саудасы, кітап сататын дүкен. Жылжымалы қорлар. әскери сөз. Штаттық көлік құралдарында, әскери және басқа да мәшинелерде, ұшқыштар құрамы жолында сақталатын және ұрыс қимылдары барысында қайта топтастыру кезінде бөлімшелермен, бөлімдермен бірге ауысып отыратын қорлар. Жылжымалы механикаландырылған колонна. су шаруашылық. Бастапқы (ең алғашқы) мердігерлік құрылыс жасау немесе жөндеу мекемесі. Жылжымалы мүлік. м етр. Көбінесе көшірілетін немесе жылжымалы, яғни жерден және оған байланысты (ғимараттар, құрылыстар және тағы басқа.) мүліктерден басқа нысандар. Жылжымалы ойынхана. Брезенттен жасалған шатырда цирктік қойылымдарды елді аралай жүріп көрсететін жылжымалы орын. Жылжымалы сорғы стансысы. су шаруашылық. Судың деңгейін биіктету, өрдегі суарма телімдерге су жеткізу, кейбір су қоймаларын сумен толтыру және жерасты суларын сорып шығару үшін қолданылатын ғимараттар кешені. Жылжымалы тамақтандыру пункті. әскери сөз. Орналасу, құтқару және авариялықшұғыл қалпына келтіру жұмыстарын жүргізу аудандарындағы жасақтардың адам құрамын, сондай-ақ алғашқы медициналық көмек жасағындағы зақымданған адамдарды ыстық тамақпен қамтамасыз ету үшін құрылған пункт. Жылжымалы телевизия стансысы. техникалық. Студиядан тыс жерде әзірленген бағдарламаны телевизия орталығының тұғырлы аппаратына жеткізуге арналған жабдықтар кешені. Жылжымалы үй. Көшпелі үй. Жылжымалы электр стансысы. Көлікке орнатылған электр стансысы.