WONDER WORDS · Казахский язык

қоршау

Значение слова

ҚОРШАУ

1омоним зат есім. 1. Ағаш, кірпіш, темір, қамыс т.б. заттардан айнала қоршап жасалған бөгет, қорған. 2. Тұс-тұстан қаумалағандық, ортаға алғандық. 3. ауыспалы мағына. Төңіректі түгел басқандық, шырмағандық. 4. ауыспалы мағына. Түрме, абақты. Қоршау желісі. су шаруашылық. а) Құрғату жүйесіне еріген қар, жаңбыр, қашқан қашыртқы суларын сырттан келтірмей ұстап, өзенге апару үшін салынатын мелиорциялық желі. ә) Жер құрғату және суландыру жүйелерінің жинағы. Қоршау конструкциясы. құрыл. Ғимараттардың сыртқы қабырғалары немесе оларды жеке-жеке бөлмелерге оқшаулайтын құрылыстық бөлік. Қоршау қалтқылары. Өзенкөлдерде шомылушы көпшіліктің жүзуін шектейтін жабдықтар. Қоршау құралымы. құрыл. Ғимараттардың сыртқы қабырғалары болатын немесе оларды жеке-жеке бөлмелерге оқшаулайтын құралым элементтері. Қоршау торы. спорт. Балға лақтыру кезінде лақтыру алаңын қоршайтын темір тор.

ҚОРШАУ

2омоним зат есім. этнографиялық. Ертеде көшкенде түйе қомының үстіне қаттап бүктеліп, дөңгелене қоршалған текемет, балалы әйелдер мен жас балалар отыруға арналған орын.

ҚОРШАУ

3омоним зат есім. ә с к. Жою немесе тұтқындау мақсатында қарсыластың белгілі бір бөлігін басқа әскерлерінен оқшаулау; жаудың екі қанатын орап, белгілі бір тобын жедел шабуыл жасай отырып айналып өтіп, тылына шығу әрекеті. Қоршауға алды. ә с к. Тактикалық ауқымда ұрыс қимылдарын жүргізу кезінде кейіннен жою немесе басып алу мақсатында кейбір объектілерді оқшаулады. Қоршаудағы ұрыс. ә с к. Қарсылас әскер айналасына қоршау майданын жасаған жағдайда жүргізілетін ұрыс түрі. Қоршауда қалу. ә с к. Қарсылас әскерінің арнайы әскери тактика бойынша жасаған мақсатындағы ұрыс майданының ортасында қалу. Қоршаудан шығу. ә с к. Соғыс тәсілінің бір түрі; бөлімдердің, бөлімшелердің батыл және белсенді қимылдармен жаудың майданын бұзып өтіп, қоршаудан тыс ұрыс жүргізіп жатқан бөлімдермен қосылуы. Қоршау жағдайы. ә с к. Әдетте соғыс уақытында майдан алқабындағы стратегиялық маңызды аудандарды (қалаларды) қарсыластың жаулап алу қаупі туған кезде енгізілетін әскери жағдайдың ерекше түрі.