ГИДРОТЕХНИКАЛЫҚ
сын есім. Гидротехникаға тән, гидротехникаға қатысты. Гидротехникалық есептеу. су шаруашылық. Сүзілу ағынының құрылысқа тигізетін әсерін есептей отырып, оның түрлерін анықтау және жер асты суларында орнатылған құрылыстардан сүзіліп, оларды айналып өтуi қозғалысын анықтау. Гидротехникалық жапқыш. техникалық. Гидротехникалық құрылыстың су ағатын арнасын толық не жартылай жабуға арналған жылжымалы құрылғы. Гидротехникалық жұмыстар. Су ресурстарын ұтымды пайдалану, ұдайы молықтыру, қорғау және судың зиянды әсеріне қарсы күресу үшін гидротехникалық құрылыстарды салуға бағытталған жұмыстар. Гидротехникалық имараттар [ ғимараттар ]. су шаруашылық. Су қорын дұрыс пайдалану үшін қолданылатын гидротехникалық құрылыстар немесе судың зиянды әсеріне қарсы жүргізілетін құрылыстар кешенi. Гидротехникалық құрылыстар. әскери сөз. Кемелер мен гидроавиацияның орналасуын, флот және құрлықтағы әскерлер күшінің әскери қызметін қамтамасыз етуге арналған әскери арнайы инженерлік құрылыстар; су шаруашылығының техникалық құрылысы. Гидротехникалық мелиорация. сушаp. Суармалы жерге су беру режімін реттеу үшін қолданылатын шаралар жүйесi, су мелиорациясы.