WONDER WORDS · Казахский язык
Значение слова
ҚАБЫРҒА
1омоним зат есім. 1. анатомиялық. Омыртқа мен төс сүйегін ұштастырып тұратын имектеу келген жіңішке сүйек. 2. Арқа, адам кеудесінің арты. Қабырғасы қайысты. Қатты қайғырды, уайымдады, жаны қиналды. Қабырғасы [ қабырғасынан ] қақырады. Берекесi кеттi, быт-шыт болды. Қабырғасы қатпаған [ қатқан жоқ, қатаймаған ]. Жас, буыны қатпаған. Қабырғасы қатып, бұғанасы бекідi. Өсіпжетіп, кемеліне келдi. Қабырғасымен [ қабырғасына ] кеңестi [ ақылдасты ]. Әбден ойланып, ақылға салды. Қабырғасына [ қатты ] батты. Ауыр соқты, қиын тидi. Қабырғасына қолы батпады. а) Семіз, күйлi. ә) Ешкімнің тісi батпады. Қабырғасынан күн көріндi. Арыған, жүдеген, инеге шаншым етi жоқ мал туралы айтылады. Қабырғасынан қойды. Күтпеген жерден, турасын айтты, көлденеңінен тартты. Қабырғасын жапты. Жылқы семірдi, майланды. Қабырғасын қаусатты [ күйреттi ]. Сайсүйектi сырқыратып, жанға қатты батты, ауыр тидi. Қабырғасы сөгілдi. а) Жаны ашыды, қайғырды, қабырғасы қайысты. ә) Жарысқа түстi, бар өнерін салды.
ҚАБЫРҒА
2омоним зат есім. 1. Үй, ғимарат сияқтылардың еденнен төбеге барып тірелетін тік бөлігi, қанаты. 2. математикалық. Бұрышты фигуралардың бұрыштарын қосатын кесіндi. 3. ауыспалы мағына. Бiр заттың қапталы, жаны, тұсы. 4. ауыспалы мағына. Тiрек, сүйеніш. Қабырға ағайын. Жанама туыс. Қабырға газетi. Белгілi бір мекеменің, ұйымның қабырғаға, не арнайы стендке iлінетін мерзімдi қолжазба басылымы. Қабырғадағы қанат. бейнелі сөзқолданыс. Қолдаушысы, сүйенішi. Қабырғадан қан аққан, толарсаққа мұз қатқан. поэтикалық. Қырғын ұрыс, қиын-қыстау кезеңдегi қиыншылықтар туралы айтылады. Қабырғадан қан кештi. Қырғын соғысқа тап болды, басына қиыншылық күн туды. Қабырға жол. Жалғызаяқ, ойыстау жол. Қабырғамен кеңесу. Әбден ойланып-толғану. Қабырға өрнек. сәулет. Қабырғаға немесе күмбезге салынып, бедерленетін сурет және оларды безендіретін ою-өрнек. Қабырғасы бүтін. Өзгермеген түптамырын сақтаған, негізi дұрыс. Қабырғасы жабық. Жұртқа жариялана бермейтін, оңаша. Қабырғасы қақырады. Берекесі кетті, бытшыты шықты. Қабырға тігіс. кәс. Екі сызықтың арасымен біркелкі көлденең шаншып отыру арқылы тігілетін, материал шеттерінің біріккен жігін бастыруда, киімнің бойын, балағын, жеңін әшекейлеуде қолданылатын тігіс түрі. Қабырға үй. жергілікті сөз. Моланың бір жағынан жанай қазылған, өліктi қоятын жер, лақат. Қабырғасы жабық. Семіз, жалы берік.
Слова из толкования
Ещё слова (63)