КҮМІС
зат есім. химиялық. Сапа жағынан құнды ақ түсті қымбат металл, химиялық элемент. // Күмістен жасалған. // бейнелі сөзқолданыс. Мөлдір, тұнық, жарқыраған, көзге шағылысқан жалтыр. // бейнелі сөзқолданыс. Ақ шалған, ағарған. Күміс ақша [ теңге ]. Күмістен жасалған ұсақ, майда тиын. Күміс алқа. Күмістен сіркелеп, көз орнатып, әртүрлi салпыншақ (қоза, түймешік) тағып, көбінесе екi қатар етіп соққан алқа, өңіржиек. Күміс бромиді. химиялық. Бромды күміс, күмістің броммен қосылысы; сары түсті кристалды зат есім. Күміс бұлақ. поэтикалық. Мөлдір, таза, ағынды бұлақ. Күміс білезік. қолөнер. Күмістен жасалған білезік. Күміс жалату. зергерлік. техникалық. Бұйымдарының бетін тот баспаудан, сәуле шағылысатын етіп және электрлік өткізгіштігін арттыру, оларға әсемдік беру мақсатында жұқа күміс қабатымен қаптауға негізделген технологиялық процесс. Күміс жүген. қолөнер. Күміс шытыралармен әшекейлеген жүген. Күміс жүлдегер. спорт. Спорт жарыстарынан екінші орын алған спортшы. Күміс жүзік. зергерлік. Бетіне қондырылған асыл тастан басқа жері тұтас күмістен соғылған жүзік. Күміс жіп. Күміс талшығы; күміс сымы; зер. Күміс иодиді. химиялық. Иодты күміс, күмістің иодпен қосылысы, ақшыл сары түсті кристалл. Күміс кемер белбеу. этнографиялық. Күміс белдік, күмістен соғылған не өңкей күміс шытыралармен әшекейленген белбеу. Күміс көмей. Асқан шебер әнші. Күміс көмей, жез таңдай. бейнелі сөзқолданыс. Әнші, таңдай қақтыратын табиғи дауысы бар. Күміс көмейлі. Сыңғырлаған дауысты. Күміс күлкі. Құлаққа жағымды, ақжарқын сыңғырлаған күлкі. Күміс қанатты. Қанаты тегіс, жылтыр, ақ. Күміс медаль. а) советизм. педагогикалық. Кеңестік білім беруде онжылдық мектепті екі «4» бағасымен үздік бітіргені үшін берілетін күміс қосып жасалған медаль. ә) Күміс металдан жасалған төске тағатын марапат, төсбелгі. б) спорт. Екінші орын алған спортшыға берілетін марапат. Күміс нитраты. химиялық. Айнаны күмістеуде, фотоэмульсия өндірісінде, бактерицидтік зат және талдаулық химияда реагент ретінде қолданылатын зат есім. Күміспен күптеді. этнографиялық. Қақталған жұқа күміспен қаптады, күмісті түгел жапты. Күміс теңге. Күмістен жасалған ақша. Күміс той. Ерлізайыптылардың үйленгендеріне 25 жыл толуына арналып өткізілетін той. Күміс хлориді. химиялық. Хлорлы күміс, күмістің хлормен қосылысы, ақ түсті кристалды зат есім. Күміс шабу. зергерлік. Темірге күміс қақтау, ағаш, мүйіз, сүйекті күмістеу.