КРИСТАЛЛ
[ неміс тілі. Кrіstаll ] зат есім. геологиялық. Табиғи пішіні дұрыс көпжақтардан құралған қатты денелер. Кристалдар ақауы. геологиялық. Кристалдық торды құраушы атомдардың қайталамалы периодтық орналасуынан ауытқуы. Кристалдар габитусы геологиялық. Қарапайым пішіндердің біртебірте дамып жетілуі нәтижесінде минерал кристалдары иемденетін пішіндердің жиынтық атауы. Кристалдардың қалыпқа келуі. геологиялық. Ішінара мұжылған не еріген кристалдардың өзімен құрамдас аса қаныққан ортада қайтадан қалпына келуі не дұрыс пішінге келуі. Кристалдар жүйесі. геологиялық. Кристалдардың симметриясына байланысты таңдап алынған координаталық жүйе. Кристалл құрылымы. физикалық. Кристалл құратын бөлшектердің нақтылы кеңістікте орналасуы. Кристалл қырлары. физикалық. Кристалл жақтарының бір-бірімен тоғысу сызығы. Кристалл өсімі. физикалық. Кристалды көпжақ тың әрбір жағы бетінде қаныққан ерітінді, балқыма, газ немесе қатты зат түріндегі қоршаған орта есебінен қалыптасқан жаңа заттардың жұқа қабатшалары. Кристалл пішіндері. Кристалды денелерді құрайтын жақтар, қырлар және ұштар жиынтығы.