ЖЕЗ
зат есім. геологиялық. 1. Алтын тәрізді сары түсті металлургиялық. 2. геологиялық. Құрамында 50%ке дейін мырыш және басқа элементтер араласқан мыстың қорытпасы. // Жезден жасалған. 3. Болыс, би, старшын т.б. лауазымын білдіру үшін омырауына тағып жүретін жезден жасалған я жез түстес белгі. // Оқ деген мағынада. 5. ауыспалы мағына. Арзан, құнсыз, бағасыз. 6. ауыспалы мағына. Сары түсті. Жез аяқ. Қыдырымпаз, жүрдек. Жез бармақ. Шебер күйші. Жез бармақтай. Мың бұралған, майысқан. Жез бауырдақ. Жезбен безелген өрме қамшының алақаны. Жез бұйда. Түйенің жетек бұйда деп аталатын бас жібі. Жез бұйдалы. Әдемі, әсем бұйдасы бар. Жез жіп. Кесте тігуге пайдаланатын түрлі түсті жіңішке жылтырақ жіп. Жез иық. Оқалы иық (әскери адам туралы). Жез көз. Бүркіт көзінің түсі, алтын секілді сары түсті бүркіт көзінің түрі. Жез көмейлі. Ашық зор дауысты. Жез кірпік. Кірпігі тікірейген, өрімдей жас. Жез қармақтай майысқан [ иілген ]. Ұзын, сұңғақ, тал шыбықтай. Жез қармақтай майысты [ иілді ]. Икемді, бейімді болды. Жез мойын. а) Иілген ұзын мойын, әдемі мойын. ә) Ұзын, имек. Жез мұрт. Тікірейген сары мұртты (адам). Жез таңдай. Сыңғырлатып, үзілдіріп ән айта білетін өнерпаз. Жез тірсек. Жүйрік атқа қатысты айтылады. Жез ыдыстар. Жылу өткізгіш металдан жасалған ыдыстар.