КӨМЕЙ
зат есім. 1. Ас өтетін мүше, жұтқыншақ. 2. анатомиялық. Ауыз қуысын өңешпен жалғастыратын мүше. 3. ауыспалы мағына. Іші қуыс заттың түп жағы. 4. ауыспалы мағына. Мол судың жанжаққа бөлінетін жері, алқымы. 5. ауыспалы мағына. Адамның көкейіндегі өзгелерге белгісіз сыры, ойы, көңілі. Көмейдегі көмескіні болжады. Біреудің ойындағысын, айтпағын шамалады. Көмей жапты. жергілікті сөз. Судың құлағын, таралар басын бөгеді, жанжаққа тарайтын жерін бекітті. Көмей суырды. Дәмі тіл үйірді, тәбет ашты. Көмейі белгілі болды. Ішкі сыры, ойы, көздегені, көкейін тескен мақсаттары айқын болды. Көмейі босады. Көңілі босады, елжіреді. Көмейі бүлкілдеді. а) Шешен сөйледі. ә) Біреуден бірдеңе дәметті. б) Бірдеңе айтқысы келді, ішіндегісін сыртқа ақтармақ болды. Көмейі былқылдады. Ақтарыла ағызып шешен сөйледі. Көмейі былпылдады. Сөз майын тамызып, ағыза сөйледі, лыпыл қақты. Көмейі жыбырлады. Бір нәрсеге құмартты. Көмейі көрінді. Ішкі пікірі айқын болды, не дегісі келгені айтпайақ белгілі болды. Көмейін байқады. Не дегісі келетінін білді. Көмейін босатты. Ашуын басты, бетін бері қаратты. Көмейін бүлкілдеттi. а) Бiрдеңе айтты, күбірлеп сөйледi. ә) Әндi нақышына келтіріп шебер орындады. Көмейін бітеді. Аузын майлады, парамен бетін бері қаратты. Көмейінде бірдеңе тұр. Бірдеңе айтқысы келіп тұр. Көмейіне бірдеңе тығылды. Айта алмады, ішкі сырын ақтара алмай булықты. Көмейіне көлденең тұрды. Ішіпжегені желкесінен шықты, көлденең тапқан пайдасы бойына дарымады. Көмейіне құм құйылды. Дыбысын шығармады, үні өшті. Көмейінен бал тамды. Тамылжытып ән салды. Көмейіне бірдеме өткіздi. жағымс ы з. Сөзбен, парамен бетін берi қаратты, пара бердi. Көмейіне өткізіп қойды. Пара берді. Көмейіне тас тығылды. Аузын ашпады, үндемеді. Көмейі түсінікті. Құлқы, ойы белгілі. Көмейін тығындады. Аузын алды, пара берді.