ҚАНАТТЫ
сын есім. 1. Қанаты бар, қанат жасалған; қоршауы бар. 2. ауыспалы мағына. Талапты, жігерлі. Қанаттыға қақтырмай, тұмсықтыға шоқыттырмай. Ешбір жәбір-жапа көрсеттірмей, қиянат жасатпай, қорғаштап; аялап бағыпқағып. Қанатты жәндіктер. зоологиялық. Жәндіктер табының бір тап тармағы. Қанатты зымыран. әскери сөз. Бір рет қолданылатын, ұшқышсыз қанатты ұшу аппараты. Қанатты ит. мифологиялық. Жүйрік тазыда көрінбейтін қанат болады деген нанымнан шыққан мифтік хайуан. Қанатты сөз. әдеб. Нысаналы ойға дәл тиетін, жалпы қолданысқа енген бейнелі сөз, тұжырымды ой, әуезді ұйқасқа құрылған өрнекті сөз тіркестері.