ЖІП
зат есім. Жүн, мақта, кендір сияқты нәрселерден жіңішке ұзын етіп иірілген немесе есілген бау. Жібі босады. а) Ұнжырғасы түсті, жүнжіді. ә) Ашуы қайтты. б) Қарқыны кемідi, бәсең тартты. Жiбi бостау. Болбыр, пысық емес. Жібі түзу. а) Дұрыс жолдағы, жөнімен жүретін (адам). ә) Жарамды, іске татырлық. б) Дұрыс. Жібі ширақ. Оңтайлы, пысық, қолынан іс келетін. Жібі ширатылды. жергілікті сөз. Бекімге келді, серпілді. Жіпке тізді. Түгін қалдырмай есепке алды, толық есептеді. Жіпсіз тұсалды. Еркі өзінде болмады, амалсыз байланды. Жібін ағытты. Ойынан шықты, тілін тапты. Жібін босатты. Бақылауды азайтты, істі, адамды босаңсытты. Жібін үзді. Дәнекерді, байланыстырып тұрған аралықты үзді. Жібін ширатты. Пысытты; өзінеөзін келтірді, сергітті. Жіп иіру. қолөнер. Ұршық иіріп, жіп дайындау. Жіп иіру комбинаты. Жіп иірумен айналысатын комбинат. Жіп иіру станогы. техникалық. Қысқа талшықтардан жіп иіретін өндіріс мәшинесі. Жіп иіруші. Ұршық иіріп, жіп дайындаушы адам немесе жіп иіру станогында тұрған маман. Жіп сабақтап көрмеген. Өмірінде еш нәрсе істемеген (ақсаусақ, жалқау кісі туралы айтылады). Жіп талшықтары. Тұтас жіптіқұрайтын ұсақ, өте жіңішке жіпшелер. Жіп те есе алмайды. Қолынан ештеңе келмейді, олақ.