СӘУЛЕ
зат есім. 1. Шашырап түскен жарық, нұр. 2. физикалық. Бойымен нүктелік жарық көзінен немесе дыбыс көзінен шыққан энергия ағыны таралатын сызықты көрсететін геометриялық оптиканың және геометриялық акустиканың ұғымы. 3. ауыспалы мағына. Бір нәрсенің жылт еткен нышаны, елесі. 4. ауыспалы мағына. Жете, түйсік, сана, ақыл, ой. 5. ауыспалы мағына. Зор тұлғаның, білімді, өнегелі адамның үлгісі. 6. ауыспалы мағына. Сұлулық, көрік, жарқыраған әсемдік. 7. ауыспалы мағына. Тығырықтан шығу жолы, ақ, адал жол, тура жол. 8. ауыспалы мағына. Бағыт, нысана. Сәуле бердi. Жылтырады. Сәуле жарқылының зақымы. әскери сөз. Негізгі көзі отты жар немесе жартышар болып табылатын ядролық жарылыс қуатының 40 пайызы кететін зақымдаушы фактор. Сәуле жұту. физикалық. Дененің сәулені сіңіру. Сәулемен емдеу. медициналық. Әртүрлі иондағыш сәулелерді емдік мақсатта пайдалану. Сәуле септі. Жарық түсірді, сәуле шашты. Сәулe сыну көpсeткішi. физикалық. Жаpық cәулeсінің ауадағы жылдамдығы біpгe тeң дeп алынған жағдайдa cол cәулeнің нақтылы заттан өтy жылдамдығынa қаpамақаpсы шамa (n). Сәулесін өшірді. Үмітін үзді, үмітін ақтамады. Сәулесін түсірді. поэтикалық. Өмірін жарқын етті, жылуын шашты, мейірімін төкті. Сәулесі өшті. поэтикалық. Үміті үзілді, арманы орындалмады. Сәулесі түсті. Елестеді, сезілді. Сәулe тәpіздi cутаpтқы. геологиялық. Сyтаpтқының шаxталық құдық пен cулы қабаттың әp жағынa қаpай қазылған көлбey ұңғымалаpмeн қиыстыpылған түpi. Сәуле торы. анатомиялық. Шағылысқан сәулелерді миға арналған сигналдарға айналдыратын, оларды әртүрлі түске сындыруға жауап беретін көздің артқы бөлігі, құрылысының бір элементі. Сәуле шашты. Ұмтылдырды, алға жетеледі, үмітін өшірмеді, қуанышы болды. Сәуле шығару [ шашу ]. ф и з. Белгілі бір заттың жанжағына шашыраңқы жарық сәулелерін шығару құбылысы. Сәуле шығару мөлшері. физикалық. Радиоактивті кезден түсетін иондайтын сәуле шығару энергиясының саны.