МЕТАЛЛ
[ латын тілі. metаllum ] зат есім. химиялық. Созымдылық, балқығыштық қасиеті бар, жылылық пен электр тогын тез өткізетін химиялық элементтердің жалпы атауы. Металдар балансы. кен ісі. Белгілі бір уақыт ішінде байытылуға түскен минералды зат ішіндегі, одан алынған өнімдердегі металдардың тепетеңдігі. Металдарды майсыздандыру. кен ісі. Өңделетін металдың бетін майлы ластанудан тазарту. Металдардың желінуі. химиялық. Металл бұйымдар бетінің газ немесе сұйықтық ағынында, сондай-ақ механикалық әсерлердің немесе электр разрядтарының ықпалымен біртіндеп мүжілуі. Металдар физикасы. кен ісі. Металдар мен қорытпалардың атомдықкристалдық, ақаулықжәне гетерофазалық құрылымы, физикалық және химиялық қасиеттері зерттелетін физика саласы. Металл коррозиясы. физикалық. Металдардың сыртқы (коррозиялық) ортамен химиялық немесе электрхимиялық реакцияға түсуі салдарынан бүліну үдерісі.