1омоним зат есім. 1. Суды жоғары шығару үшін ағын судың жолына салынатын бөгет, тосқауыл, үйілген топырақ. 2. Жол салу үшін көтеріп, жерден биіктетіп төккен топырақ, құм аралас тас. // Тіреу арқылы көтеріп қойылған. 3. ауыспалы мағына. Асыра мақтау, жел сөз. Көтерме жап [ жол ]. жергілікті сөз. Екі жағын биіктетіп, өсіріп жасаған арық.
2омоним зат есім. 1. Арба не шананың жетегін (тертесін) аттың арқасынан асып, көтеріп тұратын қайыс тартпа. 2. жергілікті сөз. Құлақ тесігінен өткізіліп, сырғаны ұстап тұратын жіп.
3омоним зат есім. Әлденіп алу үшін уақытша алатын қарыз, несие.
4омоним зат есім. Қабығы алынған, ұзындығы 1 метр 50 сантиметр шамасындай 3 ағаштың басын буып, шай қайнатып, ас пісіруге арналған зат, мосы. Көтерме мосы. Өрнек тоқитын станокта пайдаланатын құрал.
5омоним зат есім. жергілікті сөз. Көтерем.
6омоним зат есім. Қарақшыға жақындап қалған бәйге атын шаужайлап сүйреп көрсететін көмек.
8омоним сын есім. Көбірек мөлшердегі, көтеріңкі, үстеме. Көтерме баға. экономикалық. Өнімді көп мөлшерде сатып алған субúектілер үшін қойылатын жеңілдетілген баға. Көтерме базар. Өнім көп мөлшерде, топтап сатылатын базар. Көтерме сауда. экономикалық. Өнімді (тауарды, бұйымды) көтере өткізу (сату), яғни көп мөлшерде, ірі топпен өткізу (сату) тәсілі. Көтерме сауда бағасы. экономикалық. Босату бағасы; кәсіпорындар (фирмалар) және басқа шаруашылық жүргізуші субъектілер бағыныштылығы мен меншік нысанына қарамастан, өндірістіктехникалық мақсаттағы өнім мен халық тұтынатын тауарларды сатып алушыларға өткізетін (босататын, сататын) бағасы. Көтерме сауда делдалдары. экономикалық. Дайындаушы кәсіпорындардың өнімін көтере сатып алатын және тауарды тұтынушыларға немесе сатушылар мен сатып алушыларға (тұтынушыларға) өткізуші тәуелсіз коммерциялық кәсіпорындар мен жекелеген тұлғалар. Көтерме сауда жәрмеңкесі. экономикалық. Тауарларды көтере сатып алу және сату нысандарының бірі; нарықтық экономика жағдайында өнімнің барлық түрлерінің жеткізілімі жөнінде шаруашылық шарттарын жасасатын орын. Көтерме сауда үстемесі. экономикалық. Айналыс саласының көтерме сауда буынында құралатын үстеме ақша.