КӨТЕРІҢКІ
сын есім. 1. Биіктеу, жоғарырақ. 2. ауыспалы мағына. Әдеттегі мөлшерден, шамадан артығырақ, биігірек, асқақтау. 3. ауыспалы мағына. Көбірек, молырақ. Көтеріңкі ақы. экономикалық. Аяқталған жұмыстың бір жолғы кесімді ақысы. Көтеріңкі интонация. лингвистикалық. Қуанышты, лепті білдіретін сөйлеу әуені. Көтеріңкі қайтарым. гидрологиялық. Жоғарғы іркіліске және қашыртқыға қарсы сызық тарамдарын босату және толтыру тарамдары аралығында орналасатын аймақ. Көтеріңкі міндеттеме. Жоспардан артық алынған міндеттеме, шарт, уәде. Көтеріңкі өлке. геологиялық. Қабаттары көбіне көлбеу жатысты және жер бедерінде үстірттер мен биік жазықтар басым ауқымды аумақтар.