БАЗАР
[ ир. ] зат есім. 1. Арнайы алаңдарда орналасқан еркін сауда-саттық жайы, орны. 2. Маусымдық немесе мереке алдындағы саудалар. 3. ауыспалы мағына. Қызық дәурен, той-думан. 4. ауыспалы мағына. Қызыққа толы орын. 5. ауыспалы мағына. Бiр нәрсенің орны, ордасы. Базар алаңы. Сауда-саттық жүретін базардың арнайы ашық жерi, тұрған орны. Базар бастығы. Базардың басқарушысы, базарнай. Базарға салу. Көпке көрсету, бұлдау. Базарға түсті. Тәуекелге бел буды, талқыға, сайысқа салынды. Базар жасады. У-шу, азанқазанға айналдырды. Базары өттi. Қызығы артта қалды, жас кезi өтіп кеттi. Базары тарқады [ тарады ]. а ) Жастық күшi мен қуаты солғындады, жастығы өттi. ә ) Қызығы қалмады, берерi азайды.