ТОҢАЗЫТҚЫШ
зат есім. 1. Үй тұрмысында азықтүлік, тамақ сақтайтын, сондай-ақ өндіріс жағдайында азықтүлік бұйымдарын белгілі температурада сақтап тұру үшін орнатылатын салқындатқыш құрылғы немесе үй. 2. химиялық. Нысанды немесе ағынды тоңазыту үшін, сонымен қатар олардың температурасын қоршаған ортаның температурасынан төмен күйде ұзақ сақтауға қажет қондырғы, құрылғы. Тоңазытқыш агент. химиялық. Қайнау немесе ұлғаю процесінде суытылатын нысаннан жылуды тартып алатын және сығылудан кейін суытатын ортаға (мыс., суға, ауаға және тағы басқа.) беретін тоңазытқыш мәшиненің жұмысшы заты. Тоңазытқыш қондырғы. тамақ өнеркəсібі. Тез бұзылатын өнімді қоршаған ортаның температурасынан төмен температурада салқындатуға, мұздатуға және сақтауға арналған қондырғы. Тоңазытқыш қоспалар. Бірбіріне араластырғанда еру не балқу кезінде жылу сіңіру нәтижесінде температурасы төмендейтін екі не бірнеше қатты және сұйық заттан тұратын жүйелер.