САЛМАҚ
зат есім. 1. Заттың, нәрсенің ауырлығы. 2. өлшенген заттың, нәрсенің көлемі, ауырлығы, күші. 3. ауыспалы мағына. Ауыртпалық, қиыншылық. 4. ауыспалы мағына. Бедел, орын. 5. ауыспалы мағына. Сабыр, ұстамдылық, байып. 6. ауыспалы мағына. Артылған жүк, міндет. 7. ауыспалы мағына. Мұң-шер, қайғы. 8. спорт. Дәрежесіне қарай бөлініп, сол сәтте өлшеніп, тіркелген спортшы денесінің ауырлық көлемі. Салмағы ауыр. Жауапкершілігі зор, көп міндет жүктеген. Салмақ артты [ салды, тастады ]. Міндет жүктеді, ауыртпалық салды. Салмағы батты. Ауырлық қылды, зияны тиді, жоқ жерден жауапкершілікке ие болды. Салмақ болды. кедергі болды, тосқауыл болды. Салмақ дәрежесі. спорт. Сайысқа түсетін спортшылардың белгілі бір салмақ деңгейі, ауырлық көлемі. Салмақ қосты. Толды, семірді. Салмақ қосуспорт. Ауыр атлетикада жарыстың барысында белтемірге салмақ қосып отыру. Салмақ қууспорт. Арнайы тәртіп бойынша немесе ас қабылдауды айрынша шектеу арқылы спортшы денесінің салмағын қолдан азайту. Салмақты тексеруспорт. Ақтық өлшену қарсаңындағы белгіленген уақыт аралығында өзінің салмағын жобалау үшін жарыс ережесінде көрсетілгендей байқап өлшену. Салмақ түсті. Ауырлық түсті; қиыншылық көрді, ауыртпалықты көтеруге тура келді. Салмақты көтерді. Ауыртпалыққа, қиыншылыққа төтеп береді. Салмақ ұстауспорт. Спортшының салмақ көлемін қажетті шекте ұстай білуі.