МУЗЫКАЛЫҚ
сын есім. Музыкаға қатысты, соған тән. Музыкалық аспаптар. музыкалық. Адамның қатысумен белгілі бір ырғақтағы және тұрақты жоғарылықтағы дыбыстарды шығарып, музыкалық шығармашылыққа мүмкіндік беретін аспаптар. Музыкалық байқаулар. Алдын ала жарияланған шарт бойынша ұйымдастырылған музыканттардың (орындаушылар, композиторлар, музыкалық аспапта ойнау шеберлері) өнер сайысы. Музыкалық дыбыс. Музыкалық жүйеде нақтылы орны бар, тұрақты биіктіктегі дыбыс. Музыкалық екпін. лингвистикалық. Үнді екпін. Музыкалық импровизация. өнертану. Шала жазылған ноталарды немесе музыкалық туындыны орындаушыәншінің өз шығармашылығымен толықтыра отырып орындауы. Музыкалық кілт. Нота сызықтарында орналасқан нотаның атауы мен биіктігін белгілейтін, дыбыстардың мағынасын анықтайтын белгі. Музыкалық лексикография. Музыкалық сөздік, энциклопедия, анықтамалық басылым жасау мен олардың арақатынасының теориясы мен практикасы. Музыкалық тәрбие. Балалардың музыкалық қабілетін жүйелі дамыту мақсатындағы және музыканы түсіну мен қабылдау қасиетін қалыптастыруды көздейтін эстетикалық тәрбиенің құрамдас бөлігі. Музыкалық театрлар. Опера, балет, оперетта мен музыкалыдрамалық қойылымдарды көрсететін өнер ұжымдары. Музыкалық терапия. Жүйке жүйесі бұзылған адамды музыка арқылы емдеу әдісі. Музыкалық форма. Кең ұғымда музыкалық шығарманың идеялықэмоциялық мазмұнын білдіретін музыканың мәнерлеу құралдарының (мелодия, екпін, ырғақ, гармония т.б.) жиынтығы. Музыкалық энциклопедия. Ғылыми анықтамалық басылым, музыка мәдениетінің барлық саласын қамтыған жүйелі мәліметтер жинағы. Музыкалық эстетика. Музыканың табиғатын және оның көркемдік қасиетін зерттейтін ғылыми таным. Музыкалық этнография. Халықтың музыкалық мұрасы мен шығармашылығын жинап, зерттейтін ғылым саласы.