ЯДРОЛЫҚ
сын есім. 1. физикалық. Атомның оң зарядпен зарядталған негізгі бөлігімен байланысты. 2. саяси. Ядролық қару қолдануға қатысты. 3. әскери сөз. Ядролық қаруға қатысты. Ядролық алапат. әскери сөз. Ядролық жарылыс салдарынан болатын апатты жағдай. Ядролық держава. саяси. Ядролық қаружарағы бар мемлекет. Ядролық жарылыс. әскери сөз. Ядролық зарядта болатын реакциялардың нәтижесінде ішкі ядролық энергияның ерекше шапшаң бөліну үдерісі. Ядролық жарылыс түрлері. әскери сөз. Ядролық соққы арқылы орындалатын міндеттер мен объектінің сипатына байланысты ядролық жарылыстың әуеде, жер үстінде, жер астында, су үстінде және су астында жүргізілуі. Ядролық жарылысты белгілеу. әскери сөз. Акустикалық, гидроакустикалық, магниттік, сейсмикалық белгілерді тіркеу және талдау, сондай-ақ ядролық жарылыспен қатар жүретін электрмагниттік және жарықтық сәулелендіру негізінде арнайы техникалық құралдар көмегімен ядролық жарылыстың түрі мен биіктігін, қуатын, эпицентрінің координаттарын анықтау. Ядролық заряд. әскери сөз. Ядролық энергияның босап шығуының жарылыс процесі жүзеге асатын қондырғы. Ядролық қалдықтар. әскери сөз. Ядролық отын алғанда циклден шығатын радиоактивті қалдықтар. Ядролық қару. әскери сөз. Ядролық реакциялар – бөліну, қосылу немесе екеуі де бір мезгілде жүретін реакция нәтижесінде бөлінетін ішкі ядролық қуатты (энергияны) пайдалануға негізделген қарулардың жалпы атауы. Ядролық қарутасығыш ұшақ. әскери сөз. Ядролық оқдәрілерді белгілі бір нысанға жеткізуге және оларды ұрыста қолдануға арналған ұшақ. Ядролық қауіпсіздік. әскери сөз. Халықаралық және ұлттық қауіпсіздік жүйесінің аса маңызды бөлігі; адам өміріне, қоғам дамуына қауіп төндіретін, биосфера мен экожүйе жағдайына орны толмас зардап тигізетін ядролық апаттарды болдырмауды көздейтін әскери және азаматтық белгідегі ядролық нысандардың жайкүйімен байланысты. Ядролық қондырғылар. техникалық. Ядролық реакторлар, оның ішінде атом станцияларының, ғарыш және ұшу аппараттарының, көлік құралдарының реакторлары, өнеркәсіптік, эксперименттік зерттеу реакторлары, ядролық стенділер, ядролық материалдарды өндіруге, пайдалануға, қайта өңдеуге, тасымалдауға және орналастыруға арналған басқа да кез келген құрылыстар, кешендер, қондырғылар, жабдықтар мен техникалық құралдар. Ядролық қыс. әскери сөз. Ядролық кару қолданылатын соғыс болғандай жағдайда Жер бетінде ұзаққа созылатын ғаламдық суынудың даму сценарийі. Ядролық магниттік резонанс. химиялық. Қатты, сұйық және газ тәріздес денелерде радиожиілік диапазонындағы электромагниттік энергияның резонанстық жұтылуы. Ядролық оқдәрілер. әскери сөз. Әртүрлі типтегі, мақсаттағы ракеталардың ұрыс бөлімдері, авиациялық бомбалар, снарядтар, кеме торпедалары, тереңдікке тасталатын бомбалар мен ядролық зарядты фугастар. Ядролық отын. химиялық. Ядросы ыдырағанда өте көп энергия бөліп шығаратын атомдар. Ядролық паритет. саяс и. Ядролық күштер мен қарулану саласының шамалас, тепетеңдігі. Ядролық соққы. әскери сөз. Қарсыластың объек тілерін ракеталар, торпедалар жіберу, бомба тастау, артиллерия атысы арқылы ядролық оқдәрілермен зақымдау; ядролық соғыстағы ұрыс қимылдарының түрі. Ядролық фугас. әскери сөз. Ядролық заряды бар, белгіленген жерге алдын ала орнатылған фугас. Ядролық химия. химиялық. Заттың физика-химиялық және ядролық қасиеттерінің өзара байланысын зерттейтін ғылым. Ядролық энергетика. экологиялық. Атом ядроларын бөлу арқылы энергия алу; ядролық энергияны энергияның басқа түріне (мыс., жылулық энергияға, механикалық энергияға, электр энергиясына) түрлендіруді және оны өнеркәсіптік, тұрмыстық қажетке пайдалану мәселелерін қарастыратын техника саласы.