ШЕТЕЛДІК
сын есім. Шетелден келген, өзге жұрттық. Шетелдік банк. экономикалық. К апиталы толық немесе ішінара шетелдік салымшының (иеленушінің) есебінен құралған банк. Шетелдік жұмыс күші. экономикалық. Еңбек заңнамасы сәйкес жұмысқа тартылған шетелдік азаматтар. Шетелдік инвестиция. экономикалық. Шетелдік инвесторлар мен резидент заңды тұлғалардың шетелдегі бөлімшелері қабылдаушы (реципиент) елдің экономикасына салған ұзақ мерзімді жұмсалымы, сондай-ақ олардың пайда немесе активтер алу мақсатымен корпоративтік және мемлекеттік бағалы қағаздарды сатып алуы. Шетелдік инвестор. экономикалық. Орналасқан елінің заңнамасына сәйкес инвестицияны жүзеге асыру үшін құрылған және соған құқылы шетелдік заңды тұлға, сондай-ақ кез келген шетелдік компаниялар, фирмалар, кәсіпорындар, ұйымдар немесе қауымдастықтар, шетелдік азаматтар мен азаматтығы жоқ адамдар, шет мемлекеттер, халықаралық ұйымдар. Шетелдік кәсіпорын. экономикалық. Республика заңдарына сәйкес ел аумағында құрылған, шетелдік инвестордың толық иелігіндегі, яғни жарғы капиталында 100% үлесі бар кәсіпорын. Шетелдік қадағалаушы. қоғ. -саяси. Шетелдік немесе халықаралық ұйымның өкілдігін білдіретін, заңмен белгіленген тәртіппен елде сайлауға және референдумға дайындықты және оның өткізілуін қадағалауға құқық алған тұлға. Шетелдік несие. экономикалық. Халықаралық экономикалық қатынастар саласындағы несие капиталының қайтарымдылық, мерзімділік және пайыз төлеу шартымен валюта және тауар ресурстарын беруге байланысты қозғалысы.