КЕДЕН
1омоним зат есім. эконсаяси. Шетелге апара жатқан немесе шетелден алып келе жатқан заттарды, тауарларды тексеретін, байқап өткізетін орын, мекеме. Кеден аумағы. экономикалық. Мемлекеттің құрлық аумағы, ішкі сулары, олардың үстіндегі әуе кеңестігі, сондай-ақ жасанды аралдары, осы мемлекеттің айрықша заңы, хүкімі белгіленген қондырғылар мен ғимараттар. Кеден бажы. экономикалық. Белгілі бір елдің кеден органдары өзінің кеден аумағына тауарлар әкелінгенде немесе осы аумақтан тауар әкетілгенде алатын және осындай әкелім мен әкетімнің ажырағысыз шарты болып табылатын міндетті жарна. Кеден бақылауы. экономикалық. Елдің кеден ісі жөніндегі заңнамасының және халықаралық шарттардың сақталуын қамтамасыз ету мақсатында кеден органдары қабылдайтын шаралар жиынтығы. Кеден брокері [ делдалы ]. экономикалық. Мемлекеттің заңына сәйкес құрылған, орталық кеден органының кеден делдалы ретіндегі қызметті жүзеге асыру құқығына лицензия алған және өз штатында елдің орталық кеден органының кедендік ресімдеу жөніндегі біліктілік аттестатын алған заңды тұлға. Кеден жеңілдіктері. экономикалық. Кеден төлемдерінен босатушылық [ мұндай босатуға белгіленген орыннан басқа жерде немесе кеден органдарының жұмыс уақытынан тыс мерзімде сақталғаны, рәсімделгені үшін төлемдер жатпайды ]. Кеден келісімшарты. құқықтық. Кеден ісіне қатысты, көпжақты мемлекетаралық келісім. Кеден құқығы. заң. Кеден органдарының мемлекеттік шекараны экономикалық қорғау және мемлекеттің сыртқы сауда мен кеден саясатын жүзеге асыру жөніндегі қызметін реттейтін құқықтық нормалар жиынтығы. Кеден мағлұмдамасы [ деклорациясы ]. заң. Мағлұмдаушының кеден шегкарасы арқылы өткізілетін тауарлар мен көлік құралдары туралы, олардың кеден режімдері туралы дәл мәліметтерді белгіленген нысанда мәлімдеуі. Кеден одағы. заң. Үшіншібір елдерден әкелінетін немесе әкетілетін тауарларға қатысты бірыңғай кеден тарифі қолданылатын екі немесе одан көп елдің ортақ кеден аумағы. Кеден режімі [ тәртіптемесі ]. заң. Кеден шегарасы арқылы өткізілетін тауар мен көлік құралдарының мәртебесін айқындайтын ережелердің жиынтығы. Кеден ресімдемелері. заң. Елдің кеден шегарасы арқылы тауарлар мен көлік құралдарын алып өтетін адамның орындауы қажет рәсімдер. Кеден саясаты. саяси. Мемлекет кеден бақылауы құралдарын неғұрлым тиімді пайдалану, кеден шегарасы ішіндегі тауар айырбасын реттеу үшін, ұлттық экономиканың дамуын ынталандыру үшін жүзеге асыратын шаралар кешені. Кеден тарифтері. экономикалық. Белгілі бір елдің кеден шегарасынан өткізілетін тауарларға қолданылатын кеден баждары мөлшерлемелерінің жиынтығы. Кеден шегарасы. заң. Бірыңғай кеден заңнамасы қолданылатын және сыртқы сауданың бірыңғай статистикалық есебі жүргізілетін аумақ шегарасы.