1омоним сын есім. 1. Мамықтай, үлпілдеген, жұп- жұмсақ. 2. Өте ұсақ, мап-майда. Ұлпа бұлт. бейнелі сөзқолданыс. Ашық күні болатын аппақ жеңіл бұлт. Ұлпа [ үлпек ] қар. Жаңа жауған жұмсақ қар. Ұлпа бұтақ. поэтикалық. Тал шыбықтай майысқан, нәзік, сымбатты денелi қыз деген мағынада.
2омоним зат есім. 1. ботаникалық. Өсімдіктердің шыққан тегі, құрылымы және ағзадағы атқаратын қызметі бір-бірімен байланысты жасушалар жүйесі. 2. Кейбір өсімдіктердің басындағы жұп-жұмсақ үлпілдек бөлшегі. 3. зоологиялық. Жануарлар организмі мүшелерінің құрамына кіріп, арнайы қызметтер атқаратын, шығу тегі, құрылысы, қызметі ұқсас клеткалар мен клеткааралық заттардың тарихи қалыптасқан жүйесі. 4. т а -мақ. Ұнтақталған ақ минералдан (тальк), каолиннен, жүгері крахмалынан, бояғыштардан, хош иісті заттардан тұратын косметикалық зат.