ТҮЙМЕ
1омоним зат есім. 1. Қаусырыну үшін киімге қадалатын әртүрлі нұсқадағы кішірек дөңгелек пішінді зат есім. 2. көнерген сөз. зергерлік. Ертеректе сән үшін таққан ішінде сылдырмағы бар үлкендігі бала жұдырығындай, сопақша, домалақтау келген әшекей. 3. техникалық. Қандай да бір тетіктің бекітуге арналған шағын деталі. Түйме алтын. Түйменің үлкендігіндей алтын кесегі, кішірек жамбы. Түйме бас. поэтикалық. Әдемі, сұлу, шағын бас (әдетте әдемі қыздың теңеуі). Түйме қадау мәшинесі. техникалық. Арнайы киімдерге, аяқкиімге тағы басқа. бұйымдарға түйме қадауға арналған тігін мәшинесі. Түйме шідер. этнографиялық. Қылдан түйіп жасалған немесе толықтай қылдан түйілген, қайыстан өрілген шідердің түрі. Түйме тігу. қолөнер. Түшектің (қалың көрпе) екі жағына матадан түйме жасап, олардың арасын тігіс, жіп арқылы жалғастыру.